قاراعاندى وبلىسىندا 80 نەن استام اقبوكەننىڭ ولەكسەسى تابىلدى

وقيعا وتكەن جۇما، 23-ماۋسىمدا قاراعاندى وبلىسى نۇرا اۋدانى قاينار اۋىلدىق وكرۋگىندە بولعان. جەرگىلىكتى تۇرعىننىڭ ءبىرى قۇلان وزەنىنەن اقبوكەندەردىڭ ولەكسەسىن كورگەن. سول كۇنى كەشكە قاراعاندى وبلىستىق ورمان شارۋاشىلىعى جانە جانۋارلار دۇنيەسى اۋماقتىق ينسپەكتسياسىنىڭ ماماندارى كەلدى. بەلگىلى بولعانداي، وزەندە 86 اقبوكەننىڭ بيىلعى ءتولى سۋعا باتىپ كەتكەن.

«23-ماۋسىمدا قۇلان وزەنىندە سۋدا 86 باس اقبوكەن تولدەرىنىڭ ولەكسەسى تابىلدى. كوميسسيا قۇرامىندا: قاراعاندى وبلىستىق ورمان شارۋاشىلىعى جانە جانۋارلار دۇنيەسى اۋماقتىق ينسپەكتسياسىنىڭ، نۇرا اۋدانىنىڭ تابيعاتتى قورعاۋ پوليتسياسىنىڭ، «وحوتزووپروم» ر م ق ك، كەنتتىڭ ۆەتەريناريالىق ينسپەكتسياسى جانە قاينار اۋىلدىق وكرۋگى اكىمدىگىنىڭ قىزمەتكەرلەرى تەكسەرۋ جۇرگىزدى. ولگەن جانۋارلاردىڭ ولەكسەسىندە ىدىراۋ ىزدەرى بار، بۇل ولاردىڭ جىنىسىن، وق تيگەن- تيمەگەنىن انىقتاۋعا مۇمكىندىك بەرمەدى (قىلمىستىق ىزدەر جوق)» ، - دەپ مالىمدەدى ەترم ورمان شارۋاشىلىعى جانە جانۋارلار دۇنيەسى كوميتەتىنىڭ قاراعاندى وبلىستىق ورمان شارۋاشىلىعى جانە جانۋارلار دۇنيەسى اۋماقتىق ينسپەكتسياسىنىڭ باسشىسى ابزال بالتابايەۆ.

ماماندار اقبوكەندەردىڭ ولەكسەسىن ارنايى پوليگونعا شىعارىپ، جويىپ جىبەردى. بولجام بويىنشا، ولاردىڭ جاپپاي قىرىلۋىنا جاس اقبوكەندەردىڭ وزەندەگى وتكەلدەن وتە الماۋى سەبەپ بولعان. ينسپەكتسيا حابارلاعانداي، بۇل ۋچاسكەدە سۋ استىندا تەرەڭ جار بار.

«سۋعا باتىپ كەتكەن تولدەر تىم جاس بولعاندىقتان وتكەلدەن ءجۇزىپ وتە الماعان بولۋى مۇمكىن»، - دەيدى ماماندار.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى