گرەكيادا كەمە اپاتىنان قازا تاپقاندار سانى 80 گە جەتتى
يون تەڭىزىندە جۇزدەگەن زاڭسىز ميگرانت مىنگەن بالىقشىلار كەمەسى سۋعا كەتكەنىن بۇعان دەيىن جازعان بولاتىنبىز.
جولاۋشىلاردىڭ ناقتى سانى ءالى بەلگىسىز. امان قالعانداردىڭ ايتۋىنشا، بورتتا 400-700 ادام وتىرعان بولۋى مۇمكىن.
قازىر اۋقىمدى ىزدەۋ وپەراتسياسى ءجۇرىپ جاتىر. سۋدان جۇزدەن استام ادام قۇتقارىلدى.
شەكتەن تىس ادام سانى مىنگەن كەمەنى سەيسەنبى كۇنى Frontex ەۋروپالىق اگەنتتىگى بايقاعان بولاتىن. سول كەزدە ونىڭ جاعدايىنا كۇمان كەلتىرىلىپ، وعان گرەكيا جاعالاۋ كۇزەتىنىڭ كەمەسى جىبەرىلدى. ءبىراق، قايىق ەكيپاجى كومەكتەن باس تارتىپ، يتاليا جاعالاۋىنا باراتىنىن ءمالىم ەتكەن.
سارسەنبى تاڭەرتەڭ كەمە اۋدارىلدى. قۇتقارۋشىلاردىڭ ايتۋىنشا، ءتىرى قالعانداردىڭ كوپ ەكەنىن ايتۋ قيىن. سۋدان شىعارىلعان جولاۋشىلاردىڭ قۇتقارۋ كەۋدەشەسى بولماعان.
