قىزىلوردادا بالىق اۋلاپ وتىرىپ دارياعا قۇلاپ كەتكەن 80 جاستاعى كەيۋانا قۇتقارىلدى
وقيعا بۇگىن، 8-ماۋسىمدا سىرداريا وزەنىنىڭ قىزىلوردا قالاسى تۇسىنداعى اۋماقتا بولعان. سول ۋاقىتتا 1942 -جىلى دۇنيەگە كەلگەن ازاماتشا بالىق اۋلاپ وتىرعان.
ءبىر زاتتى الماق بولىپ تومەن قاراي ەڭكەيگەن ساتىندە دارياعا قۇلاپ كەتكەن.
«سول اۋماققا جاقىن جەردە توتەنشە جاعدايلار قىزمەتىنىڭ ماماندارى وقۋ- جاتتىعۋ جيىنىن وتكىزىپ جاتقان بولاتىن. وبلىستىق توتەنشە جاعدايلار قىزمەتى جەدەل قۇتقارۋ جاساعىنىڭ سۇڭگۋىرلىك- قۇتقارۋ بولىمشەسىنىڭ باس قۇتقارۋشىسى باعدات ءالجانوۆ پەن قۇتقارۋشى بولىمشە قۇتقارۋشىسى ەركەبۇلان ورازبەكوۆ قاريانىڭ دارياعا قۇلاپ كەتكەنىن اڭعارىپ، دەرەۋ ونى قۇتقارۋعا ۇمتىلادى. قاريا دەرەك سۋدان شىعارىلىپ، قۇتقارۋشىلار ونىڭ ءومىرىن ساقتاپ قالدى»، - دەدى قىزىلوردا وبلىستىق توتەنشە جاعدايلار دەپارتامەنتى ءورت ءسوندىرۋ جانە اۆاريالىق- قۇتقارۋ جۇمىستارى قىزمەتىنىڭ باسپا ءسوز حاتشىسى ءاليا ەرەجەپوۆا.
ەسكە سالا كەتەيىك، بۇدان بۇرىن قىزىلوردادا سۋعا باتىپ كەتكەن ەلوردالىق ءجاسوسپىرىمنىڭ دەنەسى تابىلعانىن حابارلاعان ەدىك.
