شىعىس قازاقستان وبلىسىندا 80 نەن اسقان ەكى قاريا كوروناۆيرۋستى جەڭىپ شىقتى

بۇل تۋرالى وبلىستىق دەنساۋلىق ساقتاۋ باسقارماسىنىڭ باسشىلىعى مالىمدەدى. قاۋىپتى ىندەتتەن ساۋىققانداردىڭ ەكەۋى - 1938 -جىلى تۋعان وسكەمەندىك قاريالار. ال تاعى ءبىرى - 1959 -جىلعى سەمەي قالاسىنىڭ تۇرعىنى. بۇل ازاماتتاردىڭ بارلىعىنان كوروناۆيرۋس بەلگىلەرى سەيىلگەن.

سوڭعى جاسالعان رەنتگەن جانە كومپيۋتەرلىك توموگرافيا كورسەتكىشى وسىنى ايعاقتاپ، ەكى مارتە تالداما ناتيجەسى دە تەرىس بولىپ شىقتى. دارىگەرلەردىڭ قاجىرلى ەڭبەگى ارقاسىندا اۋىر سىرقاتتى جەڭگەن بۇل ادامدار ەندى ەكى اپتا بويى ۇيلەرىندە كارانتيندە بولادى. قالعان 4 ناۋقاستىڭ جاعدايى ورتاشا اۋىر دەپ باعالانىپ وتىر. ولار ءتيىستى ەم قابىلداۋدا.

جالپى وسى ۋاقىتقا دەيىن وڭىردە 3209 ادامنان ارنايى تالدامالار الىندى. 8-ىنەن قاتەرلى ينفەكسيا انىقتالىپ، ونىڭ بىرەۋى قايتىس بولعان ەدى. قازىر وبلىس بويىنشا ىندەت وشاعى رەتىندە كارانتينگە الىنعان ورىندار قاتارى دا ازايىپ كەلە جاتىر.

ءىلياس مۇحامەدجان، دەنساۋلىق ساقتاۋ باسقارماسىنىڭ باستىعى:

- سونىمەن قاتار كارانتيندە بولعان 29 وشاقتىڭ جيىرماسى كارانتيننەن شەشىلدى، قالعان توعىز وشاق 14 كۇندىك كارانتين بىتكەننەن كەيىن ماسەلەسى شەشىلەدى. سونىمەن قاتار وسكەمەن قالاسىنىڭ 4-قالالىق اۋرۋحاناسى مەن سەمەي قالاسىنداعى وبلىستىق بالالار اۋرۋحاناسى تولىعىمەن كارانتيننەن الىندى، بارلىق ناۋقاستار مەن مەديتسينالىق پەرسونالدان ەكى مارتە سىناما الىنىپ، كوروناۆيرۋس ىندەتىنىڭ بەلگىلەرى انىقتالماعان.

www.24.kz

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى