سولتۇستىك قازاقستان وبلىسىندا 80 ادام «ورالمان» مارتەبەسىن ۇزارتتى
س ق و پ د باسپا ءسوز قىزمەتىنىڭ حابارلاۋىنشا، وڭىردە بۇگىندە ىقتيارحاتى بار 531 ەتنيكالىق قازاق تۇرىپ جاتىر. ءتارتىپ ساقشىلارىنىڭ مىندەتى ولارعا «ورالمان» مارتەبەسىن سوزۋعا نەمەسە الۋعا بولاتىندىعىن ، كەيىن قۇجاتتارىن دۇرىستاعاننان كەيىن ق ر ازاماتتىعىن جەڭىلدەتىلگەن تارتىپپەن راسىمدەي الاتىندىعىن ءتۇسىندىرۋ.
«تۇڭعىش پرەزيدەنت بيىل 16-ناۋرىزدا «ورالمان» مارتەبەسىنىڭ مەرزىمىن وتكىزىپ العان ەتنيكالىق قازاقتارعا جەڭىلدەتىلگەن تۇردە ق ر ازاماتتىعىن بەرۋدى تاپسىردى. وسىعان وراي س ق و پوليتسيا دەپارتامەنتىنىڭ باستىعى مارات تولەبايەۆ ميگراتسيالىق قىزمەت ماماندارىنا كەشەندى ءىس-شارالاردى جۇزەگە اسىرۋدى تاپسىردى. جالپى جىل باسىنان وڭىردە 80 شەتەلدىك وسى مۇمكىندىكتى پايدالاندى»، - دەيدى س ق و پ د ميگراتسيالىق قىزمەت باسقارماسىنىڭ باستىعى تالعات ابىليەۆ.
71 جاستاعى زەينەتكەر 2017-جىلى قورعان وبلىسىنان قىزىلجارعا قونىس اۋدارىپ، تۇرۋ ىقتيارحاتىن العان. بۇگىندە ونىڭ ەكى جىل بۇرىن العان «ورالمان» كۋالىگىنىڭ مەرزىمى ءوتىپ كەتىپتى. مۇمكىندىكتى پايدالانىپ كۋالىگىنىڭ مەرزىمىن ۇزارتقان ول ەندى جەڭىلدەتىلگەن تارتىپپەن ق ر ازاماتتىعىن الۋ ءۇشىن قۇجاتتارىن تاپسىرماق.
«مارتەبەسىنىڭ ۋاقىتى ءوتىپ كەتكەن ورالماندار ونى ۇزارتۋ ءۇشىن جەرگىلىكتى اتقارۋشى ورگاندارعا بارۋلارى كەرەك. كەيىن جەڭىلدەتىلگەن تۇردە ازاماتتىق الۋ ءۇشىن قۇجاتتارىن ىشكى ىستەر ورگاندارىنا تاپسىرۋلارى كەرەك»، - دەيدى تالعات ابىليەۆ.
س ق و- دا جىل باسىنان ق ر ازاماتتىعىن الۋعا 64 ەتنيكالىق قازاق قۇجاتتارىن تاپسىرعان. سونداي اق وڭىردە تۇرىپ جاتقان شەت ەلدىڭ 80 نەن استام ازاماتى بيىل ق ر ازاماتتىعىن الدى.
