بيىل جامبىل وبلىسىنىڭ 80 جىلدىق مەرەيتويى تويلانادى
باسقارما باسشىسىنىڭ ايتۋىنشا، اعىمداعى جىلى جامبىل وبلىسىنىڭ 80 جىلدىعىمەن قاتار، تۇرار رىسقۇلوۆتىڭ - 125، وبلىستىق «زناميا ترۋدا» گازەتىنىڭ - 100، وبلىستىق «Jambyl» تەلەارناسىنىڭ - 30 جىلدىعى جانە «بىرلىك ءتۇبى - بەرەكە» قوعامدىق فورۋمى ۇيىمداستىرىلماق.
بريفينگتە بەرىك ءۋالي ۇلى باسقارمانىڭ وتكەن جىلى اتقارعان جۇمىستارى جونىندە ەسەپ بەردى. 2018-جىلى وڭىرلىك كوممۋنيكاتسيالار الاڭىندا 165 بريفينگ وتكىزىپ، رەسپۋبليكا بويىنشا ۇزدىك تورتتىكتەن كورىنگەنىن جەتكىزدى. سونداي-اق، وتكەن جىلى وبلىس بويىنشا اكىمدىكتەر مەن باسقارمالاردىڭ باسپا ءسوز حاتشىلارىنا ارنايى 3 وقىتۋ سەمينارى وتكىزىلىپ، بارلىق مەكەمەلەردىڭ الەۋمەتتىك جەلىلەردەگى رەسمي پاراقشالارى قايتا جاڭارتىلىپ، بەلسەندى جۇمىس جۇرگىزۋدە.
«ىشكى ساياسات سالاسىندا ازاماتتىق قوعام ينستيتۋتتارىمەن تىعىز قارىم-قاتىناس ورناتۋ - ەرەكشە ماڭىزعا يە. وڭىردە 87 ەتنوستىڭ وكىلدەرى تۇرادى، 26 وبلىستىق، ءبىر قالالىق جانە 47 اۋداندىق ەتنومادەني بىرلەستىك جۇمىس ىستەيدى. 854 ۇكىمەتتىك ەمەس ۇيىم تىركەلگەن. ولاردىڭ 60 پايىزى - وبلىس ورتالىعىندا، 40,0 پايىزى - اۋدانداردا شوعىرلانعان. قازىرگى تاڭدا ۇ ە ۇ- دىڭ 200 دەن استامى بەلسەندى جۇمىس اتقارۋدا. 6 ساياسي پارتيانىڭ فيليالى ىستەپ تۇر. 2018-جىلى وبلىس بويىنشا مەملەكەتتىك الەۋمەتتىك تاپسىرىسقا 49 بيۋجەتتىك باعدارلاما اكىمشىسى قارجى قاراستىرعان»، - دەدى بەرىك ءۋالي ۇلى.
ايتا كەتەيىك، وبلىستىق باسقارمانىڭ ەندىگى نەگىزگى جۇمىستارىنىڭ ءبىرى - 1- قاراشادا بەكىتىلگەن جاڭا ەلتاڭبانى اۋىستىرۋعا باعىتتالماق. ەلتاڭبانىڭ جاڭا ۇلگىسىنە جەرگىلىكتى اتقارۋشى ورگاندار مەن ءبىلىم بەرۋ مەكەمەلەرى 2020-جىلدىڭ 1- قاڭتارىنا دەيىن، اۋماقتىق دەپارتامەنتتەر مەن باسقارمالارى 2020-جىلدىڭ 1- شىلدەسىنە دەيىن اۋىستىرۋعا مىندەتتەلىپ وتىر. بۇل ورايدا بيىل جەرگىلىكتى اتقارۋشى ورگاندار تاراپىنان 140,7 ميلليون تەڭگە قاراجات قارالۋدا.
