كەلەر جىلدىڭ سوڭىنا قاراي مۇناي 80 دوللارعا جەتۋى مۇمكىن

«كۇلكىگە قالعىڭ كەلسە، مۇنايدىڭ باعاسىنا بولجام جاسا» دەگەن ءسوز بار. دەگەنمەن، قازىرگى ۋاقىتتا مۇنايدىڭ باعاسىن بەلگىلەۋدەگى احۋالعا قاراعاندا، ول تومەندەگەننەن گورى جوعارىلايتىن سياقتى. بۇل رەتتە ساۋد ارابياسىنداعى جاعداي، وپەك+ كەلىسىمىنىڭ ۇزارتىلۋىنىڭ كۇتىلۋى دە ەڭ باستى فاكتور بولا المايدى. باستىسى - مۇنايدىڭ تومەن باعاسى كەزىندە ينۆەستيتسيالىق باعدارلامالاردىڭ كۇرت قىسقارۋىنان تۋىنداعان ۇسىنىستاردىڭ تاپشى بولۋى. ءبىز اعىمداعى جىلدىڭ سوڭىندا Brent ماركىلى مۇنايدىڭ باررەلى 60-65 دوللار، ال 2018 -جىلدىڭ سوڭىندا 70-80 دوللارعا بارادى دەپ بولجاپ وتىرمىز»، - الەكساندر رازۋۆايەۆ.

سونىمەن قاتار ساراپشى اعىمداعى جىلدىڭ كۇزىندە بايقالعان مۇناي باعاسىنىڭ وسۋىنە قاراماستان تەڭگە باعامىنىڭ السىرەۋىنە قاتىستى قۇبىلىسقا دا تۇسىنىك بەرۋگە تىرىستى.

«ا ق ش فەدەرالدى رەزەرۆتىك جۇيەسىنىڭ ستاۆكاسى كوتەرىلىپ، بالانسىنىڭ قىسقارۋى اياسىندا دامۋشى نارىقتاردىڭ بارلىعىنىڭ ۆاليۋتاسى قىسىمعا تاپ بولادى. 2017 -جىلدىڭ قورىتىندىسىندا پايىزدىق ستاۆكا جىلدىق ماندە 1,25-1,50 پايىز دياپازونىنا دەيىن جەتۋى مۇمكىن. 2018 -جىلى فەدەرالدى رەزەرۆ جۇيەسى ستاۆكانى ۇشكە ارتتىرۋدىڭ قازىرگى جوسپارىن ۇستانۋىن جالعاستىرا بەرەتىن سياقتى. ەستەرىڭىزگە سالا كەتسەم، تەڭگەنىڭ ءالسىز بولۋى ەكسپورتتاۋشىلار مەن بيۋدجەتكە ءتيىمدى»، - دەدى ول.

اۆتور: مارلان جيەمباي

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى