لاڭكەستەردىڭ قاتارىنا قوسىلعان جاستاردىڭ 80 پايىزى ينتەرنەت ارقىلى تارتىلعان

  بۇل تۋرالى بۇگىن استانادا ينتەرنەتتى لاڭكەستىك ماقساتتاردا پايدالانۋعا قارسى كۇرەس جانە ونىڭ الدىن الۋعا ارنالعان حالىقارالىق سەميناردا ق ر باس پروكۋراتۋراسىنىڭ حالىقارالىق بايلانىستار دەپارتامەنتى ديرەكتورىنىڭ قىزمەتىن اتقارۋشى ءالجان نۇربەكوۆ ءمالىم ەتتى.

 «جىل سايىن ينتەرنەت ارقىلى لاڭكەستىك سيپاتتاعى 100 مىڭداعان ماتەريالدار تارايدى. سونىڭ ىشىندە قازاقستانعا باعىتتالاتىن بولىگى دە وراسان زور. راديكالدى توپتاردىڭ قاتارىندا ينتەرنەتپەن جۇمىس ىستەيتىن تولىققاندى اقپاراتتىق قىزمەتتەر بار. ساراپشىلاردىڭ باعا بەرۋىنشە، لاڭكەستەردىڭ قاتارىنا قوسىلعان جاستاردىڭ 80 پايىزى ينتەرنەت ارقىلى تارتىلعان. ولار لاڭكەستەردىڭ تۇزاعىنا ءتۇسىپ، تەرروريستىك توپتارعا انت بەرەدى. سوندىقتان قازاقستان اقپاراتتىق كەڭىستىكتە وسىنداي كونتەنتتىڭ تارالۋىن بولدىرماۋ بويىنشا جۇمىستار اتقارۋدا. ون مىڭداعان ۆيدەو، اۋديو ماتەريالدار مەن سايتتار جابىلادى»، - دەدى پروكۋرور.

سونىمەن قاتار، ونىڭ ايتۋىنشا، رەسەيلىك جانە باتىستىڭ ءبىرقاتار الەۋمەتتىك جەلىلەرىمەن تىعىز بايلانىس ورناتىلعان. بۇل ءوز كەزەگىندە الەۋمەتتىك جەلى ارقىلى تارايتىن راديكالدى سيپاتتاعى ماتەريالداردى جويۋعا مۇمكىندىك تۋعىزدى.

 ايتا كەتەيىك، اتالمىش سەمينارعا ت م د ەلدەرى، نيدەرلاندى، ا ق ش، يزرايل، ادام قۇقىقتارى بويىنشا ەۋروپالىق سوتىنىڭ ساراپشىلارى، ب ۇ ۇ ەسىرتكىگە قارسى كۇرەس باسقارماسى وكىلدەرى قاتىسۋدا.

اۆتور: جاسۇلان جولدىبايەۆ

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى