قازاقستاننىڭ حالىق ءارتىسى مادەنيەت ەشەكەيەۆتىڭ تۋعانىنا 80 جىل تولدى

مادەنيەت ەشەكەيەۆ شىعىس قازاقستان وبلىسى بورودۋليحا اۋدانىندا تۋعان. سەمەي وبلىستىق كونسەرتتىك-ەسترادالىق بيۋروسىندا، «قازاق كونسەرتتە» ونەر كورسەتىپ، 1975-جىلدان ءومىرىنىڭ سوڭىنا دەيىن سەمەي وبلىستىق فيلارمونياسىنىڭ ءانشىسى بولدى.

ول - ءداستۇرلى حالىق اندەرىن ءوز ەرەكشەلىگىمەن اسا شەبەر ورىنداۋشى، جۇسىپبەك ەلەبەكوۆتىڭ العاشقى شاكىرتتەرىنىڭ ءبىرى.

ونىڭ رەپەرتۋارىندا قازاق حالىق اندەرىمەن بىرگە ءبىرجان سالدىڭ، اقان سەرىنىڭ، ابايدىڭ، جاياۋ مۇسانىڭ، بالۋان شولاقتىڭ، باسقا دا حالىق كومپوزيتورلارىنىڭ اندەرى كەڭىنەن ورىن العان.

اسىرەسە، مادەنيەت ەشەكەيەۆتىڭ وزىنە عانا ءتان انشىلىك مانەرىن ايقىن تانىتاتىن، ونىڭ ەرەكشە ناقىش- بوياۋمەن ورىندايتىن اندەرى قاتارىنا كەنەن ازىربايەۆتىڭ «بوزتورعاي»، اسەتتىڭ «ءىنجۋ-مارجان»، بالۋان شولاقتىڭ «عاليا»، ماناربەك ەرجانوۆتىڭ «پاراۆوز»، رامازان ەلەبايەۆتىڭ «جاس قازاق»، حالىق اندەرى «سۇرجەكەي» مەن «اققۇم» جاتادى.

ونىڭ ورىنداۋىنداعى ءبىرقاتار اندەر قازاق راديوسىنىڭ التىن قورىنا جازىلىپ الىنعان.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى