استانادا جۇمەكەن ناجىمەدەنوۆتىڭ 80 جىلدىعىنا ارنالعان كەش وتەدى
كەشتى استانا قالالىق تىلدەردى دامىتۋ باسقارماسى ۇيىمداستىرادى.
شارانىڭ ماقساتى - اۆتوردىڭ ءومىرى مەن شىعارمالارى ارقىلى جاستاردىڭ ۇلتجاندىلىق سەزىمىن وياتۋ، ەلىن، جەرىن، تۋعان ءتىلىن ءسۇيۋ - وتان الدىنداعى قاسيەتتى بورىشتارى ەكەندىگىن ۇعىندىرۋ. كوپتەگەن شىعارمالارىن، اندەرى مەن كۇيلەرىن ناسيحاتتاۋ، دەپ حابارلايدى «ادەبيەت پورتالى».
كەش بارىسىندا جۇمەكەن ناجىمەدەنوۆ تۋرالى ەستەلىكتەر ايتىلىپ، اۆتوردىڭ شىعارمالارى جانە ول كىسى ءسۇيىپ تىڭداعان اندەر مەن كۇيلەر ورىندالادى.
كەشكە قازاقستان رەسپۋبليكاسى سەناتىنىڭ دەپۋتاتتارى، زيالى قاۋىم وكىلدەرى مەن اقىننىڭ جارى ءناسىپ مۇستاح قىزى جانە ۇرپاقتارى قاتىسادى.
