ادامداردىڭ 80 پايىزى ۇيقى كەزىندە تىنىستىڭ توقتاۋى سيندرومىنان زارداپ شەگۋدە
ءتۇرلى جاستاعى 8 مىڭ ەرىكتى قاتىسقان كولەمدى زەرتتەۋلەردىڭ قورىتىندىسى وسىنداي، دەپ حابارلايدى روسبالت.
ساۋالداما كەزىندە 100 ادامنىڭ 16 سى عانا ۇيقىمەن جانە ۇيىقتاپ قالۋمەن بايلانىستى پروبلەمالارىنىڭ جوقتىعىن ايتتى.
زەرتتەۋ ناتيجەسىندە ادامداردىڭ 84 پايىزىنان ۇيقىنىڭ ناشارلاۋى تىركەلگەن. ۇيقىسىزدىق، ۇيىقتاپ قالۋدىڭ ناشارلاۋى نەمەسە مازاسىز ۇيقىعا ۇنەمى جۇمىستاعى كۇيزەلىس نەمەسە ومىردەگى پروبلەمالار سەبەپ بولىپ وتىر.
بۇدان باسقا، بۇل پروبلەمالار اپنوە اتتى ولىمگە اپاراتىن اۋرۋعا شالدىقتىرادى نەمەسە ۇيقى كەزىندەگى تىنىستىڭ اياق استىنان توقتاپ قالۋىنىڭ دامۋىنا اكەلىپ سوقتىرۋى مۇمكىن، دەپ جازادى avufa.ru.
بۇل اۋرۋعا شالدىققان ادامدار تاڭەرتەڭنەن باستاپ وزدەرىن دەمالماعانداي، كەي كەزدەرى السىرەگەن ءتارىزدى سەزىنەدى. اپنوەنىڭ باستى سەبەبى - ادامنىڭ باسىنان وتكەن كۇيزەلىسى، ەموتسيالىق ۋايىمداۋى مەن ۇنەمى شارشاۋ سەزىمى.
جاقىندارى مەن تۋىستارى بۇل بەلگىلەردى بايقاعان جاعدايدا دەرەۋ دارىگەرلەرگە قارالعان ءجون. اپنوە تىنىس الۋدىڭ تولىق توقتاۋىنا اكەلىپ سوقتىرۋى ىقتيمال - ادام ۇيقىدان كەيىن مۇلدەم ويانباي قالۋى مۇمكىن.
