قازاقستان اسكەرى الەمدىك رەيتينگتە 80- ورىندا تۇر

رەيتينگتى ءتۇزۋ بارىسىندا 50 شاقتى فاكتور ەسەپكە الىنعان. ونىڭ ىشىندە اسكەر سانى، قۇرلىقتاعى، اۋەدەگى جانە تەڭىزدەگى اسكەري ارەكەتتەر ءۇشىن جۇمىلدىرىلاتىن اسكەري تەحنيكانىڭ سانى كورسەتىلگەن. جانە دە قارۋمەن جابدىقتاۋعا جۇمسالاتىن ەلدىڭ ەكونوميكالىق رەسۋرسى دا ەسەپكە الىنعان.

Global Firepower اقپاراتى بويىنشا، 17 ميلليون قازاقتىڭ 8 ميلليونى ەلىن قورعاۋعا قاۋقارلى. قازاقستاننىڭ اسكەري بيۋجەتى 2,4 ميلليارد دوللارعا باعالانادى.

تىزىمدەگى وزگە ەلدەرگە كەلسەك، ا ق ش كوش باسىندا تۇر. بۇل ەلدە اسكەري ارەكەتتەرگە قاتىسا الاتىن ازاماتتاردىڭ سانى 145 ميلليون ادام.

ەكىنشى ورىنداعى رەسەيدە بۇل كورسەتكىش 69 ميلليون ادامدى قۇراسا، ۇشتىكتى قىتاي تۇيىندەيدى.

قىتايدى قورعاۋعا 749 ميلليون ازامات دايىن ەكەن. العاشقى وندىقتىڭ تىزىمىندە ءۇندىستان، ۇلى بريتانيا، فرانسيا، گەرمانيا، تۇركيا، وڭتۇستىك كورەيا جانە جاپونيا ەلدەرى بار.

«حابار»

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى