جاڭا استانانىڭ قۇرىلىسى 80 ميلليارد دوللارعا باعالانىپ وتىر

جاڭا كابۋل قازىرگى استانا اۋماعىنداعى حادجي-راۆاش اۋەجايى مەن باگرام اەرودرومى ارالىعىندا، ا ق ش اسكەري بازاسى ورنالاسقان جەردە تۇرعىزىلادى.

ۇكىمەتتىك ەمەس Kabul New City Development ۇيىمىنىڭ ءتوراعاسى ەلحام ومار حوتاكيدىڭ حابارلاۋىنشا، كومپانيا العاشقى 55 تۇرعىن ءۇيدى سالۋعا بايلانىستى قۇرىلىس فيرمالارىمەن بەس كەلىسىمگە قول قويعان. جوسپار بويىنشا جاڭا قالانىڭ اۋماعى قازىرگىدەن ەكى ەسە كوپ جانە 740 شارشى شاقىرىمعا جەتەدى. بۇل اۋماققا 600 مىڭ ءۇي سيادى. حوتاكيدىڭ سوزىنە قاراعاندا، قۇرىلىسشىلار جۇمىسقا كىرىسۋ ءۇشىن تەك پرەزيدەنتتىڭ كەلىسىمىن عانا كۇتىپ وتىر.

جاڭا كابۋل 15 جىلدىڭ ىشىندە تۇرعىزىلماق جانە بۇل قالادا 2,5 ميلليون ادام تۇراتىن بولادى.

جوبانى جۇزەگە اسىرۋعا كەتەتىن قارجى 80 ميلليارد دوللاردى قۇرايدى. ال ەلدىڭ بيۋدجەتى الداعى جىلى شامامەن 7,9 ميلليارد دوللار بولماق.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى