قىتايعا 80 دانا ناۆيگاتورلاردى زاڭسىز الىپ وتپەك بولعان ازامات ۇستالدى
بۇل تۋرالى ق ر ۇ ق ك ش ق باسپا ءسوز قىزمەتىنەن حابارلادى.
ەلىمىزدىڭ شىعىسىنداعى «قورعاس» باقىلاۋ-وتكىزۋ بەكەتىنىڭ باقىلاۋشىلارى 7 قوراپقا سالىنعان، جالپى سانى 80 دانا بولاتىن «تراكينگ - پيۆايس» اتالاتىن GPS- ناۆيگاتورلارىن جاسىرىن اكەتىپ بارا جاتقان 39 جاستاعى قازاقستان ازاماتىن ۇستادى.
«ءۇرىمجى - الماتى» باعىتىنداعى اۆتوبۋسپەن كەلە جاتقان ازاماتتىڭ اتالعان زاتتاردى الىپ وتۋگە قاجەتتى قۇجاتتارى جوق بولىپ شىقتى.
اتالعان دەرەك بويىنشا قۇقىققورعاۋ ورگاندارى حابارلاندىرىلدى. تەرگەۋ امالارى باستالدى.
