ق ح ر قاشىپ كەتكەن قىتاي ازاماتتارى كاپيتالىنىڭ %80 ىن وزگە ەلدەرمەن بولىسۋگە ءازىر
«قىتاي سىرتقا زاڭسىز شىعارىلعان قاراجاتتى قايتارۋ مەن قاشقىنداردى ۇستاۋدىڭ حالىقارالىق تاجىريبەسىن پايدالانباق. ماسەلەن، ا ق ش كومەك كورسەتۋ ءۇشىن مۇنداي قاراجاتتىڭ %80 دەيىنگى ۇلەسىن سۇرادى. وتكەن جىلى ق ح ر كانادامەن ءتيىستى كەلىسىمگە قول قويدى»، - دەدى ول اتالعان باسىلىمعا بەرگەن سۇحباتىندا.
قىتايلىق ساراپشىنىڭ سوزىنە قاراعاندا، بەيجىڭ شامامەن 40 مەملەكەتپەن ەكستراديتسيا تۋرالى كەلىسىمگە قول قويدى. وعان باتىس ەلدەرى كىرمەيدى.
ينتەرپولدىڭ ىزدەۋ پاراقشالارىندا 160 قىتاي ازاماتى، سونىڭ ىشىندە حەبەي پروۆينتسياسىنىڭ بۇرىنعى باسشىسى چەن ۆەيگاونىڭ ۇلى چەن مۋيان بار.
2006-جىلى قىتاي بانكىنىڭ كايپين قالاسىنداعى ءبولىمىنىڭ بۇرىنعى باسشىسى يۋي چجەندۋن ا ق ش-تان قايتارىلعان سوڭ 12 جىلعا سوتتالعان. ونى ەكستراديتسيالاۋ ءۇشىن قىتاي بيلىگى جازباشا تۇردە ونى ءولىم جازاسىنا كەسپەۋگە، ال ايەلىنىڭ ۇستىنەن قىلمىستىق ءىس قوزعاماۋعا ۋادە بەرگەن.
