الماتىدا قاز ۇ ت ۋ- دىڭ 80 جىلدىق مەرەيتويى اتالىپ ءوتىلدى
وعان اتالمىش ءبىلىم ورداسىنىڭ باسشىلارى، وقىتۋشى قۇرامى، ارداگەرلەرى جانە ستۋدەنتتەرىمەن قاتار، ق ر ءبىلىم جانە عىلىم ءمينيسترى اسلان ءسارىنجىپوۆ پەن الماتى قالاسىنىڭ اكىمى احمەتجان ەسىموۆ قاتىستى.
سالتاناتتى جيىندا سويلەگەن سوزىندە قالا باسشىسى ۋنيۆەرسيتەت ۇجىمىن 80 جىلدىق مەرەيتويىمەن قۇتتىقتاپ، تابىستار تىلەدى.
«الماتى قالاسى ادەبيەت پەن مادەنيەت جانە وڭىرلىك قارجى ورتالىعى عانا ەمەس، سونىمەن قاتار ءبىلىم مەن عىلىم ورداسى بولىپ تابىلادى. ويتكەنى قالامىزدا 45 جوعارى وقۋ ورنى بار. ال ولاردا وقيتىن ستۋدەنتتەر سانى ورتا مامانداندىرىلعان وقۋ ورىندارى مەن كوللەدجەردىڭ ستۋدەنتتەرىن قوسقاندا 210 مىڭنان اسادى. قالامىزدىڭ ءاربىر بەسىنشى تۇرعىنى ۋنيۆەرسيتەتتە نەمەسە كوللەدجدەردە جۇمىس اتقارادى. بۇل ءبىز ءۇشىن ۇلكەن ابىروي جانە ۇلكەن جاۋاپكەرشىلىك. ال ق. ي. ساتبايەۆ اتىنداعى ۇلتتىق تەحنيكالىق ۋنيۆەرسيتەتى 80 جىلدىڭ ىشىندە 120 مىڭنان استام جاس ينجەنەر ماماندار دايارلاپ شىعاردى. ولار ەلىمىزدىڭ تۇكپىر- تۇكپىرىندە ەڭبەك اتقاردى. بۇگىنگى ۇرپاق ولاردىڭ ىستەرىن ءارى قاراي جالعاستىرىپ جاتىر»، - دەدى ءوز سوزىندە ا. ەسىموۆ.
بۇگىن، سونىمەن قاتار، قاز ۇ ت ۋ رەكتورى جەكسەنبەك ءادىلوۆ ق ر ءبىلىم جانە عىلىم ءمينيسترى اسلان ءسارىنجىپوۆ پەن الماتى قالاسىنىڭ اكىمى احمەتجان ەسىموۆتى «ينجەنەرلىك ءبىلىم مەن عىلىمدى دامىتۋعا قوسقان ۇلەسى ءۇشىن» مەرەكەلىك بەلگىلەرىمەن ماراپاتتادى.
ەستەرىڭىزگە سالا كەتەلىك، وتكەن عاسىردىڭ 30- جىلدارى قازاقستاننىڭ تەحنيكا- ەكونوميكالىق جاعدايىنىڭ كەنجە قالعاندىعىنا بايلانىستى ەلىمىزدە جوعارى تەحنيكالىق ءبىلىمدى دامىتۋ ماسەلەسى العا قويىلعان بولاتىن.
سودان، 1933 - جىلى 20 - قازاندا ك س ر و حالىق كوميسسارلار كەڭەسىنىڭ «قازاقستان ءۇشىن كادرلار دايارلاۋ تۋرالى» قاۋلىسى نەگىزىندە قازاقتىڭ تاۋ- كەن- مەتاللۋرگيالىق ينستيتۋتى قۇرىلدى. وندا ەكى فاكۋلتەت اشىلدى: تاۋ- كەن جانە ءتۇستى مەتالدار فاكۋلتەتى.
ال 1934 - جىلى 19 - قىركۇيەكتە قازاقتىڭ تاۋ- كەن- مەتاللۋرگيالىق ينستيتۋتىنىڭ العاشقى وقۋ جىلى باستالدى. وقۋ ورنى 1960 - جىلعا دەيىن وسىلاي اتالىپ كەلدى.
كەيىن، 1960-1994 ج ج. - قازاق پوليتەحنيكالىق ۋنيۆەرسيتەتى بولىپ اتالسا، 1994 - جىلدان - ق. ي. ساتبايەۆ اتىنداعى قازاق ۇلتتىق تەحنيكالىق ۋنيۆەرسيتەتى بولىپ قايتا وزگەردى.
اۆتور: جاپپاربەرگەن ايبوتا
