رەسپۋبليكا بويىنشا 8023 سايلاۋ ۋچاسكەسىندە داۋىس بەرۋ باستالدى

«قازاقستان رەسپۋبليكاسىنداعى سايلاۋ تۋرالى» كونستيتۋتسيالىق زاڭنىڭ 8-بابى 1-تارماعىنا سايكەس پرەزيدەنت سايلاۋى جەرگىلىكتى ۋاقىت بويىنشا ساعات 07:00 دە باستالدى. داۋىس بەرۋ كۇنىندە سايلاۋ كوميسسيالارى داۋىس بەرۋ باستالماستان 1 ساعات بۇرىن ۋچاسكەلەردى اشۋعا كىرىستى. سايلاۋ كوميسسيالارىنىڭ ءتوراعالارى داۋىس بەرۋ باستالماستان 30 مينۋت بۇرىن كوميسسيا مۇشەلەرىنىڭ قاتىسۋىمەن داۋىس بەرۋ جاشىكتەرىندە بيۋللەتەندەردىڭ بار- جوعىن، بۇتىندىگىن تەكسەرەدى جانە جاشىكتەردى داۋىس بەرۋ ءۇشىن پلومبالاپ، مورلەيدى»، - دەدى ول.

ونىڭ اتاپ وتۋىنشە، سونىمەن قاتار سايلاۋ ۋچاسكەلەرىنىڭ ءتوراعالارى بيۋللەتەندەردى بەرۋمەن اينالىساتىن كوميسسيا مۇشەلەرىن ايقىندايدى.

«كەلىپ تۇسكەن اقپاراتتارعا سايكەس نۇر-سۇلتان ۋاقىتى بويىنشا ساعات 07:00-دە 8023 ۋچاسكەدە داۋىس بەرۋ باستالدى. داۋىس بەرۋگە كىرىسكەن ۋچاسكەلەردىڭ ىشىندە 48 سايلاۋ ۋچاسكەسى سايكەسىنشە اۋماقتىق سايلاۋ كوميسسياسىنىڭ شەشىمىمەن داۋىس بەرۋگە ساعات 06:00-دەن باستاپ كىرىستى. اتالعان ۋچاسكەلەردى سايلاۋشىلار تىزىمىنە ەنگىزىلگەن سايلاۋشىلاردىڭ سانى 9627073 ادام»، - دەدى ك. پەتروۆ.

ءتوراعا ورىنباسارىنىڭ ايتۋىنشا، باسقا ساعات بەلدەۋىندە جاتقان 5 وڭىردە داۋىس بەرۋ نۇر-سۇلتان ۋاقىتىنان ءبىر ساعات كەيىن باستالادى. ولار: اتىراۋ، اقتوبە، باتىس قازاقستان، ماڭعىستاۋ جانە قىزىلوردا وبلىستارى.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى