ا ق ش- تا مايمىل شەشەگىن جۇقتىرعاندار سانى 800 گە جۋىقتادى
ا ق ش- تىڭ اۋرۋلاردى باقىلاۋ جانە الدىن الۋ ورتالىقتارىنىڭ سوڭعى مالىمەتتەرىنە سايكەس، مايمىل شەشەگىن جۇقتىرعانداردىڭ ەڭ كوبى نيۋ- يوركتە – 153، ودان كەيىن كاليفورنيادا - 136 جانە يللينويستە - 91 جاعداي.
ا ق ش دەنساۋلىق ساقتاۋ جانە حالىققا قىزمەت كورسەتۋ مينيسترلىگى دۇيسەنبىدەن باستاپ ەپيدەميامەن كۇرەسۋ ءۇشىن بەكىتىلگەن ەكى رەتتىك Jynneos ۆاكسيناسىنىڭ 144 مىڭ دوزاسى قالالار مەن شتاتتارعا تاراتىلاتىنىن مالىمدەدى. دەپارتامەنت وتكەن اپتادا 56 مىڭ دوزا بەرگەن بولاتىن، ونىڭ 41 مىڭى جەتكىزىلدى. امەريكاندىق LabCorp مەديتسينالىق كومپانياسى سولتۇستىك كاروليناداعى باس زەرتحاناسىندا مايمىل شەشەگىنە ارنالعان سىناقتى باستادى، ول اپتاسىنا 10 مىڭعا دەيىن تەست قابىلداي الادى. بۇل ا ق ش- تىڭ تەستىلەۋ مۇمكىندىگىن ەكى ەسە ارتتىرادى.
