قازاقستاندا بالا پسيحيكاسىنا كەرى اسەر ەتەتىن 800 گە جۋىق سايت بۇعاتتالدى
«ەلىمىزدە تىيىم سالىناتىن ينتەرنەت- رەسۋرستاردى انىقتاۋعا قاتىستى مينيسترلىك ءتيىستى شارالاردى جۇرگىزىپ جاتىر. ونىڭ ىشىندە بالالاردىڭ دامۋى مەن پسيحيكاسىنا اسەر ەتەتىن سايتتار دا بار. سونداي- اق، كامەلەتكە تولماعان بالالار مەن جاسوسپىرىمدەردىڭ اتىنان الەۋمەتتىك جەلىلەردە جالعان اككاۋنت اشىپ، زاڭسىز جانە بالالارعا قارسى قىلمىسقا يتەرمەلەۋگە باعىتتالعان كونتەنتى بار ينتەرنەت- رەسۋرستاردى ايقىنداۋعا كىرىستىك. جىل باسىنان بەرى ينتەرنەت كەڭىستىگىنە مونيتورينگ جۇرگىزۋ ارقىلى 6 مىڭعا جۋىق پورنوگرافيالىق سايت انىقتالعان. ناتيجەسىندە ونىڭ 800 گە جۋىعى بۇعاتتالدى» ، - دەدى ق ر ىشكى ىستەر ءمينيسترىنىڭ ءبىرىنشى ورىنباسارى مارات قوجايەۆ و ك ق- دە وتكەن باسپا ءسوز ءماسليحاتىندا.
ۆيتسە- ءمينيستردىڭ سوزىنە سەنسەك، ەلىمىزدە كامەلەت جاسىنا تولماعانداردىڭ ولىممەن اياقتالاتىن قىلمىستاردى جاساۋ كورسەتكىشى %62 ازايعان.
«بۇگىندە مەكتەپتەردە 2 مىڭنان استام ءتارتىپ ساقشىسى بالالارمەن جۇمىس ىستەيدى. ەلىمىز بويىنشا 7 مىڭنان استام مەكتەپ بار. وسى ورايدا بىزگە بالالار جانە جاسوسپىرىمدەرمەن جۇمىس ىستەيتىن تاعى 2 مىڭداي پوليتسەي كەرەك. سونداي- اق، ءبىزدىڭ ماماندار بالالارمەن قاتار، ولاردىڭ اتا- اناسىمەن دە تىكەلەي جۇمىس ىستەيدى» ، - دەدى ول.
