الەمدە 800 ميلليوننان اسا ادام 11 ەركەكتەن تاراعان

عالىمدار ازيانىڭ قازىرگى تۇرعىندارىنىڭ Y- حروموسومالارىنان نۋكلەوتيدتەردىڭ بىرەگەي تۇردە جۇيەلەنۋىن بايقاپ، ولاردىڭ شىعۋ تەگىن انىقتاۋعا تىرىسقان. تاياۋ شىعىستان وڭتۇستىك-شىعىس ازياعا دەيىنگى قۇرلىقتاعى 127 ايماقتان 5321 ادامنىڭ Y- حروموسوماسىن زەرتتەگەن توپ مەيلىنشە ءجيى كەزدەسەتىن گاپلوتيپتەردى اجىراتتى. ناتيجەسىندە زەرتتەۋگە قاتىسقان ادامداردىڭ 37,8 پايىزىنىڭ 11 اتادان تاراعانى بەلگىلى بولدى. بۇل پروپورتسيانى ازيانىڭ حالىقتارىنىڭ جالپى سانىنا شاققان كەزدە، 11 اتادان تاراعان ادامدار سانىنىڭ شامامەن 830 ميلليون ادام ەكەنىنە كوز جەتەدى.

گەنەتيكتەر اعىلشىن ارىپتەستەرى كريس تايلەر- ءسميتتىڭ «شىڭعىسحان - ادامزات تاريحىندا ەڭ كوپ ۇرپاق وربىتكەن اكە» دەگەن تۇجىرىمىن ماقۇلداپ شىقتى. تايلەر- ءسميتتىڭ باعالاۋى بويىنشا، جەر شارى ەركەكتەرىنىڭ 0,5 پايىزى (16 ميلليونعا جۋىق ادام) - موڭعول يمپەرياسىنىڭ نەگىزىن قالاۋشىنىڭ تىكەلەي ۇرپاعى.

بۇعان قوسا، جاڭا زەرتتەۋ مانچجۋر كنيازى گيوچانگيدىڭ (1582-جىلى قايتىس بولعان) دە كوپ ۇرپاق تاراتقانىن انىقتادى. ونىڭ نەمەرەسى نۋرتساحي (1559-1626) قىتايدىڭ شين اۋلەتى بويىنشا تۇڭعىش يمپەراتورى بولدى. عالىمداردىڭ ەسەبىنشە، گيوچانگيدىڭ تىكەلەي ۇرپاقتارىنىڭ سانى بۇگىندە - ءبىر جارىم ميلليون ادامعا جۋىق. ولاردىڭ ءبارى، نەگىزىنەن، قىتاي مەن موڭعوليادا تۇرادى.

تۇقىمى كەڭ جايىلعان قالعان توعىز ادامنىڭ تەك ءومىر سۇرگەن ۋاقىتى عانا انىقتالدى. ولار ازيا قۇرلىعىندا ءبىزدىڭ زامانىمىزعا دەيىنگى 2100-جىلدان ءبىزدىڭ زامانىمىزدىڭ 700-جىلدارىنا دەيىن عۇمىر كەشكەن.

tengrinews.kz

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى