قازاقستاندىقتاردىڭ %80 ىنا D دارۋمەنى جەتىسپەيدى
«سوڭعى جىلدارى قازاقستاندىقتاردا د دارۋمەنىنىڭ جەتىسپەۋشىلىگى كوبەيىپ بارادى. د دارۋمەنىنىڭ يممۋنيتەتتى نىعايتۋداعى ءرولى زور. ادام اعزاسىنا بۇل دارۋمەن جەتىسپەگەن جاعدايدا اۋرۋ اسقىنىپ كەتۋى مۇمكىن»، - دەيدى «وليمپ» كلينيكالىق- دياگنوستيكالىق زەرتحانالار جەلىسىنىڭ ماركەتينگ جانە يننوۆاتسيالار جونىندە ديرەكتورى الەكسەي بالاس.
ونىڭ ايتۋىنشا، قىس مەزگىلىندە قازاقستان تۇرعىندارىنىڭ %80 ىنا جۋىعى د دارۋمەنى جەتىسپەۋشىلىگىنەن زارداپ شەگەدى.
«بۇل كورسەتكىش كوبىنەسە ەرەسەكتەرگە قاتىستى. بالالار د دارۋمەنىنىڭ پروفيلاكتيكالىق دوزاسىن الادى. ال ەرەسەكتەر ول تۋرالى ۇمىتىپ كەتەدى، سول سەبەپتى قىس مەزگىلىندە ءبىلىنىپ قالادى. د دارۋمەنى از- كوپتىگىن انىقتايتىن تەست قازىرگى كەزدە كەڭ قولدانىستا. اتالعان تەستتى ءار ادام دارىگەر نۇسقاۋىمەن دە، ءوز قالاۋىمەن دە تاپسىرۋىنا بولادى»، - دەيدى ول.
اۆتور: زارينا قاھارمان
