مال جايۋعا 8,9 ميلليون گەكتار جايىلىم جەتىسپەيدى – ا ش م

«قازاقستان رەسپۋبليكاسىنىڭ جەر بالانسىنا سايكەس، جايىلىمدىق جەرلەر 183,4 ميلليون گەكتاردى قۇرايدى، ونىڭ ىشىندە 82,4 ميلليون گەكتار - اۋىل شارۋاشىلىعى ماقساتىنداعى جەرلەر، 63,9 ميلليون گەكتار - بوس جاتقان جەرلەر، 21,2 ميلليون گەكتار - ەلدى مەكەندەرگە ىرگەلەس جەرلەر جانە 15,9 ميلليون گەكتار - باسقا ساناتتا (ورمان قورى، ەرەكشە قورعالاتىن تابيعات اۋماعى، ونەركاسىپ جەرلەرى)»، - دەدى ە. قاراشوكەيەۆ ۇكىمەتتىڭ بۇگىنگى وتىرىسىندا.

مينيسترلىك جۇرگىزگەن تالداۋ مەن اكىمدىكتەردىڭ دەرەكتەرىنە سايكەس، جەكە قوسالقى شارۋاشىلىقتاردا جايىلىمعا جايىلاتىن 5,7 ميلليون مال بار.

«جايىلىمداردىڭ جالپى الاڭىنا جۇكتەمەنىڭ رۇقسات ەتىلگەن شەكتى نورماتيۆتەرى بويىنشا جەكە قوسالقى شارۋاشىلىقتاردىڭ مالدارىن جايۋ ءۇشىن قوسىمشا 8,9 ميلليون گەكتار جايىلىم قاجەت. بۇل كوبىنەسە جەكە قوسالقى شارۋاشىلىقتاردا اۋىل شارۋاشىلىعى جانۋارلارى سانىنىڭ ايتارلىقتاي وسۋىنە بايلانىستى. مىسالى، سوڭعى 10 جىلدا تەك ءىرى قارا مال باسى % 7,7 ءوستى. ال تۇركىستان، قىزىلوردا، جامبىل وبلىستارى سياقتى وڭىرلەردە مال باسىنىڭ ءوسۋ قارقىنى شامامەن % 16 قۇرادى»، - دەدى مينيستر.

سونىمەن قاتار ۇيىمداسقان شارۋاشىلىقتاردا 5,9 ميلليون مال بار، ياعني جايىلىمداردىڭ ەسەپتىك رەزەرۆى 30,4 ميلليون گەكتاردى قۇراۋى مۇمكىن.

«رەسپۋبليكانىڭ 17 وبلىسى ىشىندە جەكە قوسالقى شارۋاشىلىقتاردىڭ مال جايۋى ءۇشىن 15 وبلىستا، اسىرەسە تۇركىستان، قىزىلوردا، الماتى جانە اتىراۋ وبلىستارىندا جايىلىم تاپشىلىعى بايقالادى»، - دەدى اۋىل شارۋاشىلىعى ءمينيسترى.

اۆتور

ايجان سەرىكجان قىزى

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى