اقمولا وبلىسىنىڭ ەكى تۇرعىنى مال ۇرلاعانى ءۇشىن 8 جانە 5 جىلعا سوتتالدى
س ق و پوليتسيا دەپارتامەنتى باسپا ءسوز قىزمەتىنىڭ مالىمەتىنشە، اقمولا وبلىسىنىڭ ەكى تۇرعىنى 2021-جىلدىڭ جازىندا مال ۇرلاۋمەن اينالىسقان. ولار ءوز وڭىرلەرىندە عانا ەمەس، كورشى س ق و- عا دا كەلىپ، جۇرتتىڭ قوراسىن بۇزىپ كىرىپ، مالدارىن ارتىپ اكەتىپ وتىرعان.
تايىنشا اۋدانى تەرگەۋشىلەرىنىڭ ايتۋىنشا، قىلمىسكەرلەردىڭ بىرەۋى - بۇرىن سوتتالعان كوكشەتاۋ الاسىنىڭ 39 جاستاعى تۇرعىنى. ونىڭ 4 قىلمىسقا قاتىسى بارى انىقتالدى. شۋچينسك قالاسىندا تۇراتىن ونىڭ 45 جاستاعى سىبايلاسى دا بۇرىن ءىستى بولعان، ول 3 قىلمىس بويىنشا كۇدىككە ءىلىندى. ۇرىلار قوي مەن بۇزاۋلاردى كوكشەتاۋلىقتىڭ «Nissan Primera» اۆتوكولىگىمەن اكەتكەن.
«كوكشەتاۋ تۇرعىنى 8 جىلعا باس بوستاندىعىنان ايىرىلدى، شۋچينسك قالاسىنىڭ تۇرعىنى 5 جىلعا سوتتالدى. ۇرلىقتار قورا-قوپسىعا بۇزىپ كىرۋ ارقىلى دا، مالدى بايلانىپ تۇرعان جەرىنەن اكەتۋ ارقىلى دا جاسالعان. دەسەك تە، مال ۇرلىعى كوپ جاعدايدا مالدىڭ ەركىن جايىلىمدا جۇرۋىنەن بولادى. پوليتسيا قىزمەتكەرلەرى حالىقپەن كەزدەسۋ كەزىندە، ب ا ق جانە الەۋمەتتىك جەلى ارقىلى مال يەلەرىن ءوز مۇلىكتەرىنە ساق بولۋعا، باقتاشى مەن جەرگىلىكتى اتقارۋشى ورگاندارمەن ءۇش جاقتى كەلىسىم جاساۋعا شاقىرادى»، - دەيدى س ق و پوليتسيا دەپارتامەنتى كريمينالدىق پوليتسيا باسقارماسىنىڭ باستىعى مارات جۇماليەۆ.
ءتارتىپ ساقشىلارىنىڭ ايتۋىنشا، س ق و- دا مال ۇرلىعى ايتارلىقتاي تومەندەگەن. 8 ايدىڭ ىشىندە وسىنداي 11 قىلمىس تىركەلدى، وتكەن جىلدىڭ ۇقساس كەزەڭىمەن سالىستىرعاندا بۇل 12 قىلمىسقا از، ياعني %52,2 تومەندەگەن. بۇل پوليتسەيلەردىڭ پروفيلاكتيكالىق جۇمىسى، مالدى ەركىن جايۋعا زاڭنامامەن تىيىم سالۋ جانە 2019-جىلدىڭ سوڭىندا ق ر قىلمىستىق كودەكسىنەن بولەك «مال ۇرلىعى» 188-1-بولىگىنىڭ ەنگىزىلۋى ارقاسىندا بولىپ وتىر. پوليتسەيلەردىڭ ايتۋىنشا، بارىمتاشىلارعا 10 جىلعا دەيىن باس بوستاندىعىنان ايىرۋ جازاسى قاراستىرىلعان.
