الماتىنىڭ جالپى ايماقتىق ءونىمى تۇڭعىش رەت 8,5 تريلليون تەڭگەدەن اسپاق

بۇل تۋرالى بۇگىن استانادا ورتالىق كوممۋنيكاتسيالار قىزمەتىندە وتكەن باسپا ءسوز ءماسليحاتىندا الماتى اكىمى باۋىرجان بايبەك ءمالىم ەتتى.

«كەيبىر مالىمەتتەر بويىنشا، ستاتيستيكا كەيىن بولادى، ءوسىم 3 پايىزدى قۇرايدى دەپ كۇتىلۋدە. ەكىنشىدەن، بيۋدجەتتىڭ كولەمى 94,2 ميلليارد تەڭگەگە ءوسىپ، 446,5 ميلليارد تەڭگە بولماق»، - دەدى ب. بايبەك.

ونىڭ ەسكە سالۋى بويىنشا، الماتى بۇگىندە ەلدىڭ ج ءى و- ءنىڭ 20 پايىزىن جانە سالىق تۇسىمدەرىنىڭ 31 پايىزىن قامتاماسىز ەتىپ وتىرعان ءىرى مەگاپوليس. الماتى جەكە كاپيتالدىڭ قالاسى رەتىندە، بيزنەس قوسىمشا جۇمىس ورىندارىن قۇرۋ ءۇشىن، بيۋدجەتكە سالىق تولەپ، قوسىمشا قۇن بەرۋى ءۇشىن جەكە باستامانى قولداۋعا جانە ىنتالاندىرۋعا قۇلىقتى»، - دەيدى ب. بايبەك.

اكىمنىڭ ايتۋىنشا، ەلدەگى كوتەرمە ساۋدانىڭ جارتىسى، بولشەك ساۋدانىڭ 25 پايىزى، سىرتقى ساۋدا اينالىمىنىڭ جارتىسى، ەكىنشى دەڭگەيلى بانكتەردەگى نەسيە پورتفەلدەرىنىڭ 60 پايىزى الماتىدا ورنالاسقان.

اۆتور: جاسۇلان جولدىبايەۆ

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى