اباي وبلىسىنىڭ قۇرامىنا 8 اۋدان جانە 2 قالا ەنىپ وتىر

بۇگىننەن باستاپ سەمەي ايماعىندا اباي وبلىسى قۇرىلدى. شىعىس قازاقستان وبلىسىنان ءبولىنىپ شىققان جاڭا ءوڭىردىڭ اۋماعى 185,5 مىڭ شارشى مەتردى قۇرايدى. قۇرامىنا 8 اۋدان جانە 2 قالا ەندى. اتاپ ايتقاندا، سەمەي، كۋرچاتوۆ قالالارى، اباي، اياگوز، اقسۋات، بەسقاراعاي، بورودۋليحا، جارما، كوكپەكتى، ءۇرجار اۋداندارى.

اباي وبلىسىنداعى حالىق سانى - 638,3 مىڭ. ياعني، شىعىس قازاقستان جۇرتشىلىعىنىڭ 47 پايىزى جاڭا ايماقتىڭ تۇرعىندارىنا اينالىپ وتىر. ال ش ق و اۋماعى 97,8 مىڭ شارشى مەتر بولدى. تەرريتوريالىق بولىنىستەرگە سايكەس، ونىڭ قۇرامىندا 9 اۋدان جانە 2 قالا قالدى. ولار وسكەمەن، ريددەر قالالارى، گلۋبوكوە، زايسان، كاتونقاراعاي، كۇرشىم، سامار، تارباعاتاي، ۇلان، شەمونايحا، التاي اۋداندارى. ونەركاسىپتەردىڭ 32 پايىزى ەندى اباي وبلىسىندا. ەكى ءوڭىردىڭ قالا- اۋداندارى 1997 -جىلى سەمەي وبلىسى قوسىلعانعا دەيىنگى تەرريتوريالار بويىنشا بولىنگەن.

ەستەرىڭىزگە سالا كەتسەك، وسىعان دەيىن اباي وبلىستىق ءماسليحاتىنىڭ حاتشىسى سايلانعانىن حابارلاعان ەدىك.

اۆتور: تالعاتجان مۇحامەتبەك ۇلى

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى