گۋانتانامونىڭ بۇرىنعى تۇتقىنىنا 8,1 ميلليون دوللار وتەماقى تولەندى
2002 -جىلدىڭ قازان ايىندا امەريكالىق ارنايى ماقساتتاعى جاساق اسكەرلەرى حادردى ا ق ش اسكەرىنە قارسى سىناق گراناتاسىن قولداندى دەگەن كۇدىكپەن ۇستاپ، گۋانتاناموداعى اسكەري بازاعا تۇتقىنعا الدى.
15 جاسىندا قاماۋعا الىنعان ول گۋانتاناموداعى ەڭ جاس تۇتقىن اتاندى. 2012 -جىلدىڭ قىركۇيەك ايىندا سول ەلدىڭ ازاماتى سانالاتىن حادر كاناداعا جەر اۋدارىلدى. كانادانىڭ جوعارعى سوتى اۋعانستانداعى حادر تەرگەۋىنە قاتىسقان فەدەرالدى بيلىكتىڭ «كامەلەتتىك جاسقا تولماعانداردىڭ بازالىق كانادالىق ۇستاۋ ستاندارتتارىن» بۇزۋشىلىققا قاتىستى ارەكەتىن 2010 -جىلدىڭ وزىندە-اق مويىنداعان بولاتىن. ومار حادر تورونتودا تۋعان، الايدا بالالىق شاعى مەن جاستىق شاعىنىڭ باسىم بولىگىن پاكىستان مەن اۋعانستاندا وتكىزدى.
