الماتى مەن قالا ماڭىندا 7 پوليتسەيگە جۇرگىزۋشىلەردەن جۇيەلى تۇردە پارا الدى دەگەن ايىپ تاعىلدى
الماتى وبلىسى بويىنشا سىبايلاس جەمقورلىققا قارسى قىزمەت الماتى قالاسى مەن الماتى وبلىسى بويىنشا پاترۋلدىك پوليتسيانىڭ 7 قىزمەتكەرىنە قاتىستى سوتقا دەيىنگى تەرگەۋدى اياقتادى.
ولار بىرنەشە رەت پارا الدى دەگەن كۇدىككە ءىلىندى.
پوليتسەيلەر جول قوزعالىسى ەرەجەلەرىن بۇزعان ازاماتتاردى اكىمشىلىك جاۋاپكەرشىلىككە تارتپاعانى ءۇشىن زاڭسىز اقشالاي سىياقى العان.
سونىمەن قاتار ينسپەكتورلار جولدا ءىس جۇزىندە قۇقىق بۇزۋشىلىق جاساماعان ازاماتتاردىڭ اقشاسىن الاياقتىق جولمەن يەمدەنگەن.
قازىرگى ۋاقىتتا قىلمىستىق ءىس ماتەريالدارى سوتقا جولداندى.
قىلمىستىق پروتسەستىك كودەكسىنىڭ 201-بابىنا سايكەس تەرگەۋ مۇددەسىنە وراي وزگە اقپارات جاريا ەتۋگە جاتپايدى.
