قوستانايدا سالماعى 7 كەلىگە جۋىق الىپ قىز دۇنيەگە كەلدى
الىپ قىز قوستاناي وبلىستىق اۋرۋحاناسىنىڭ پەريناتالدىق ورتالىعىندا دۇنيەگە كەلدى، دەپ حابارلايدى قازاقپارات ءتىلشىسى اۋرۋحانانىڭ باسپا ءسوز قىزمەتىنە سىلتەمە جاساپ.
«بوسانعان ايەل بالا سالماعىنىڭ ۇلكەن ەكەنىن الدىن الا ءبىلدى، سوندىقتان وتباسى دا، دارىگەرلەر دە دايىندالدى. بالا مەرزىمىندە كەسار تىلىگى ارقىلى تۋدى. تۋۋ كەزەڭى اۋىر وتكەندىكتەن رەانيماتولوگتاردىڭ كومەگى قاجەت بولدى، - دەيدى وبلىستىق اۋرۋحانانىڭ باسپا ءسوز حاتشىسى كسەنيا جيلكيبايەۆا. - اناسى ەكى كۇن جانساقتاۋ بولىمىندە جاتتى. قازىر ونىڭ ومىرىنە قاۋىپ ءتونىپ تۇرعان جوق، ءسابي اناسىنىڭ قاسىندا».
سالماعى ۇلكەن بالانىڭ دۇنيەگە كەلۋىنە اۋرۋحانا قىزمەتكەرلەرى دە دايىن بولدى. ءبىراق ولار بۇعان دەيىن 6 ك گ-نان ارتىق سالماقپەن تۋعان جاعدايدىڭ بولعان جوق دەيدى.
بۇل - وتباسىنداعى ءۇشىنشى بالا.
ايارۋدى اناسىمەن بىرگە اۋليەكولدە وتباسى كۇتىپ وتىر، ولار جاعدايى وڭالعاننان كەيىن بىردەن ۇيىنە قايتادى.
اۆتور
سماعۇلوۆا ەركەجان
