پروكۋرور باقىتگۇل حامەنوۆانى 7 جىلعا سوتتاۋدى سۇرادى
پروكۋرور لاۋرا اسانوۆا وبلىس اكىمىنىڭ بۇرىنعى ورىنباسارى باقىتگۇل حامەنوۆاعا مۇلكىن تاركىلەي وتىرىپ، بەلگىلى ءبىر مەملەكەتتىك لاۋازىمداردى اتقارۋ قۇقىعىنان جانە 7 جىلعا باس بوستاندىعىنان ايىرۋدى سۇرادى.
«مۇلكى تاركىلەنىپ، مەملەكەتتىك لاۋازىمداردى اتقارۋ قۇقىعىنان ءومىر بويىنا ايىرا وتىرىپ، 7 جىلعا باس بوستاندىعىنان ايىرۋ تاعايىندالسىن. مەرزىمدى وتەۋ ورتاشا قاۋىپسىزدىك مەكەمەسىندە انىقتالسىن. سونداي-اق، حامەنوۆا «قۇرمەت» وردەنىنەن ايىرىلسىن. حامەنوۆانى قاماۋدا ۇستاۋ ۋاقىتىنا قاراي جازا مەرزىمى 1,5 كۇن ءۇشىن 1 كۇن ەسەبىنەن قاماۋدا ۇستالسىن. سوتتالۋشىدا كامەلەتكە تولماعان بالانىڭ بولۋىنا بايلانىستى جازانى ءۇش جىلعا دەيىن كەيىنگە قالدىرۋدى سۇرايمىن»، - دەدى پروكۋرور لاۋرا اسانوۆا.
سونداي-اق، پروكۋرور وبلىستىق مادەنيەت باسقارماسىنىڭ بۇرىنعى باسشىسى اقىلبەك رىسقاليەۆكە ورتا قاۋىپسىزدىك مەكەمەسىندە 7 جىل باس بوستاندىعىنان ايىرۋدى سۇرادى. ال، پارا بەردى دەپ كۇدىكتەلگەن اداموۆقا ورتاشا قاۋىپسىزدىك مەكەمەسىندە 4 جىلعا باس بوستاندىعىنان ايىرۋ جازاسىن ۇسىندى.
ايتا كەتەيىك، حامەنوۆا، رىسقاليەۆ جانە اداموۆتىڭ ءىسى بويىنشا تاراپتاردىڭ جارىس ءسوزى باستالعان بولاتىن.
