زەينەتاقى قورىنداعى اكتيۆتەر 7 پايىز ءوستى
«بيىلعى تامىز ايىنىڭ قورىتىندىسى بويىنشا، تەڭگەنى قۇراپ، وسى جىلدىڭ باسىنان بەرى 919 ميلليارد تەڭگەگە نەمەسە 7,0 پايىز ۇلعايدى. ينۆەستيتسيالىق كىرىس كولەمى وسى جىلدىڭ باسىنان باستاپ 718,0 ميلليارد تەڭگەنى، زەينەتاقى جارنالارى - 1097,3 ميلليارد تەڭگەنى، زەينەتاقى تولەمدەرى - 175,7 ميلليارد تەڭگەنى، مەرزىمىنەن بۇرىن الۋ سوماسى - 848,4 ميلليارد تەڭگەنى قۇرادى»، - دەدى ۇكىمەت وتىرىسىندا ۇلتتىق بانك ءتوراعاسىنىڭ ورىنباسارى اقىلجان بايماعامبەتوۆ.
ونىڭ سوزىنە قاراعاندا، زەينەتاقى اكتيۆتەرىنىڭ كىرىسى سوڭعى 12 ايدا 8,6 پايىز بولعان.
«جيناقتاۋشى زەينەتاقى قورىنىڭ تۇراقتىلىعى تۇرعىسىنان ۇزاق ۋاقىت ارالىعىندا كىرىستىلىك پەن ينفلياتسيانىڭ كورسەتكىشتەرىن قاراعان ءجون. ماسەلەن، 5 جىل ىشىندە جيناقتالعان ينفلياتسيا 51,4 پايىز بولعان كەزدە زەينەتاقى اكتيۆتەرىنىڭ جيناقتالعان كىرىسى 56,8 پايىزدى قۇرادى»، - دەدى ۇلتتىق بانك وكىلى.
