ادامزات تاريحىنداعى ەڭ قىسقا 7 نەكە

الايدا، «ۇيلەنۋ وڭاي - ءۇي بولۋ قيىن» دەمەكشى ءتۇرلى جاعدايلارعا بايلانىستى اجىراسىپ كەتەتىندەر جۇپتاردىڭ بارىن بىلەمىز. ال تەز ايىرىلىسىپ كەتكەن جۇپتار جايلى ەستىدىڭىز بە؟

كۋۆەيتتەگى جۇپ - 3 مينۋت

بۇل وقيعا عالامتوردى ءدۇر سىلكىندىردى، سەبەبى نەكەنىڭ العاشقى 3 مينۋتى جۇپتاردىڭ قانشالىقتى ۇيلەسپەيتىنىن كورسەتتى. جۇپتار سەرت بەرىپ، نەكە كەلىسىمىنە قول قويعاننان كەيىن سوتتان شىعاردا قالىڭدىقتىڭ اياعى شالىنىپ، كافەل ەدەنگە قۇلاپ قالادى. وكىنىشكە وراي، كۇيەۋ جىگىت وعان كومەكتەسۋدىڭ ورنىنا كۇلىپ، وعان اقىماق دەيدى. قالىڭدىق اشۋلانىپ، سول ساتتە- اق تورەشىدەن نەكەنى جوققا شىعارۋىن وتىنەدى.

رۋدولف ۆالەنتينو جانە دجين ەككەر - 6 ساعات

1919 -جىلى اتاقتى يتالياندىق اكتەر رۋدولف ۆالەنتينو قىزبالىققا سالىنىپ، امەريكاندىق اكتريسا دجين ەككەرگە ۇيلەنەدى. الايدا دجين سالتاناتتى راسىمدە ءوز شەشىمى جايلى وكىنىپ، العاشقى نەكە تۇنىندە كۇيەۋىن قوناق ءۇي نومىرىنە قاماپ كەتەدى.

بۇل جاعدايدان سوڭ ۆالەنتينو العاشقى نەكەنىڭ تولىقتاي بۇزىلعانىن كۇتپەي، ناتاشا رامبوۆاعا ۇيلەنەدى. ونى امەريكاندىق بيلىك كوپ نەكەلىلىگى ءۇشىن كىنالايدى.

جا جا گابور مەن فەليپە دە البا - 1 كۇن

1983 -جىلى 14-ساۋىردە اكتريسا جا جا گابور مەكسيكاندىق گراف فەليپە دە الباعا كۇيەۋگە شىقتى. ال 15 ءساۋىر كۇنى ولار اجىراستى. سەبەبى سالتاناتتى ءراسىم كەزىندە جا جا گابور بۇرىنعى كۇيەۋىمەن رەسمي تۇردە اجىراسپاعانى انىقتالدى. ساكەسىنشە، جاڭا نەكە زاڭسىز سانالدى.

بريتني سپيرس پەن دجەيسون الەكساندر - 55 ساعات

بۇل نەكە 2004 -جىلى لاس- ۆەگاستاعى كىشكەنتاي شىركەۋدە قيىلدى جانە ول ەكى كۇننەن ءسال ۇزاققا سوزىلدى. بريتني سپيرس پەن دجەيسون الەكساندر بالالىق شاقتان باستاپ دوستار بولدى. ۇيلەنۋ ءانشىنىڭ يدەياسى بولدى.

ءبىر اقپارات بويىنشا، نەكەنى توقتاتۋدى بريتني سپيرس قالاعان. ءبىراق نەكە بۇزۋ پروتسەسى بويىنشا ادۆوكات مارك گولدبەرگ Daily Mail باسىلىمىنا بۇل ىسكە ءانشىنىڭ اناسى ارالاسقانىن ايتقان.

دجەيسون الەكساندر ءبىر سۇقباتىندا نەكەنى بۇزۋ جايلى پەتيتسياعا الداپ قول قويدىرعاندارىن مويىندادى:

«ولار ەگەر مەن نەكەنى بۇزۋ جايلى كەلىسىمگە قول قويسام، بريتني ەكەۋمىزدىڭ قاتىناسىمىزدى جالعاستىرۋعا مۇمكىندىك بەرەتىندەرىن ايتتى. ەگەر 6 اي وتكەن سوڭ دا سەزىمدەرىمىز وسىنداي بولسا، ولار بىزگە ناعىز نەكەگە وتىرۋىمىزعا كەلىسەتىندەرىن جەتكىزدى.»

سونداي- اق ول پەتيتسيعا قول قويعاننان كەيىن دە بريتني ەكەۋىنە تەلەفونمەن سويلەسۋلەرىنە رۇقسات بەرگەندەرىن ەسكەرتتى. ءبىراق ءبىر ايدان سوڭ ءبريتنيدىڭ تەلەفونى ءسوندىرۋلى بولدى. ال جەتى ايدان سوڭ ول كيەۆين فەدەرلاينعا كۇيەۋگە شىقتى.

نيكولاس كەيدج پەن ەريكا كويكە - 4 كۇن

اتاقتى اكتەر مەن بەت ارلەۋشى 2019 -جىلى ۇيلەندى. ءبىراق نەكە ۇزاققا سوزىلمادى: ول 4 كۇننەن سوڭ كۇشىن جويدى.

اكتەر توي تۋرالى شەشىم قابىلداۋ كەزىندە ماس بولعانىن ايتىپ، نەكەنى بۇزۋدى تالاپ ەتكەن. نيكولاستىڭ ايتۋىنشا، ۇيلەنۋ تۋرالى يدەيا ەريكاعا تيەسىلى، ال ول وعان يمپۋلسيۆتى جاۋاپ بەرىپ، جاۋاپكەرشىلىكتى جانە ءوز ارەكەتىنىڭ سالدارلارىن تولىقتاي باعالاۋعا قابىلەتسىز بولعان.

ال ەريكا بولسا، نەكەدە بولعان از ۋاقىتتىڭ ىشىندە مانساپتىق ءوسۋىن جىبەرىپ العانى ءۇشىن جانە مۇنداي جانجالدان كەيىن ونىڭ ابىرويى بۇزىلعانى ءۇشىن قارجىلىق تولەم تۇرىندەگى ەرلى- زايىپتىق قولداۋ كورسەتۋگە قۇجاتتار تاپسىردى.

ترەيسي ەدموندس پەن ەددي مەرفي - 14 كۇن

بۇل جۇپتىڭ نەكە قيۋ سالتاناتى 2008 -جىلى فرانتسۋزدىق پولينەزيادا ءوتتى. ەرلى- زايىپتىلار اجىراساتىنى جايلى تويدان كەيىن ەكى اپتادان سوڭ جاريالادى.

ءبىر قىزىعى، بۇل نەكە زاڭدى دەپ سانالمادى، سەبەبى ونى اقش اۋماعىندا تىركەۋ قاجەت بولدى.

كيم كارداشيان مەن كريس حامفريس - 10 اپتا

بۇل نەكە ەكى ايدان اسا ۋاقىتقا سوزىلدى. توي سالتاناتتى ءوتتى جانە ول جۇپقا شامامەن 10 ملن دوللارعا شىقتى.

ءبىراق 10 اپتادان سوڭ كيم جاڭا سەرىگىنەن اجىراسۋدى شەشەدى. سۇقباتتا ول اقىلعا سالىنعان شەشىم بولعانىن جانە ولاردىڭ دوس بولىپ قالعانىن ايتتى.

massaget.kz

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى