وسكەمەندە حالىقارالىق بالالاردى قورعاۋ كۇنىنە وراي «7 كەرەمەت» اتتى فەستيۆال ءوتتى
«7 كەرەمەت» اتتى فەستيۆال جىل سايىن ءداستۇرلى تۇردە ۇيىمداستىرىلىپ كەلە جاتىر. سونىڭ اياسىندا بالالار ءتۇرلى بوياۋلارمەن اسفالتقا سۋرەت سالىپ، مۋلتفيلم كەيىپكەرلەرىمەن سپورتتىق ويىندار ويناپ، كاراوكە batle عا قاتىسىپ، كۆەست شەشتى. كەلۋشىلەر كونسەرت تاماشالاپ، سايقىمازاقتارمەن ويىن الاڭىندا كوڭىل كوتەردى. بۇدان بولەك، بالالارعا داستارحان جايىلىپ، بالمۇزداق تاراتىلدى. «ساياباق اۋماعى 7 الاڭعا ءبولىنىپ، ءار جەردە قىزىقتى شارالار ۇيىمداستىرىلدى. جالپى تەك وسكەمەندە عانا ەمەس، بۇل كۇنى وبلىستىڭ تۇكپىر-تۇكپىرىندە بالالارعا ارنالعان شارالار وتكىزىلىپ جاتىر. ايماق بويىنشا 180 مىڭنان استام بالا قامتىلادى دەپ جوسپارلانىپ وتىر»، - دەدى ش ق و ءبىلىم باسقارماسىنىڭ باس مامانى قانات ورالبەك.
ەستەرىڭىزگە سالا كەتسەك، وسىعان دەيىن شىعىس قازاقستاندا 564 وقۋشى «التىن بەلگىگە» ۇمىتكەر ەكەندىگىن حابارلاعان ەدىك.
