قىزىلوردادا اجەسى تاكسيگە مىنگىزىپ جىبەرگەن 7 جاسار جەتكىنشەك جوعالىپ كەتتى
وقيعا بارىسى بىلاي وربىگەن. كەلىنى جەتى جاستاعى ۇلىمەن بىرگە اتا- اجەسىنىڭ ۇيىنە قوناققا كەلگەن. سودان كەيىن جەتكىنشەك اجەسىنىڭ ۇيىندە قالۋدى ءجون كورەدى. كەلەسى كۇنى تاڭەرتەڭ اجەسى تاكسي جۇرگىزۋشىسىنە ناقتى مەكەنجايىن كورسەتىپ، اناسىنا جىبەرگەن. ءبىر ساعاتتان كەيىن كەلىنىنە قوڭىراۋ شالعان ارىزدانۋشى بالانىڭ ۇيگە ءالى كەلمەگەنىن بىلەدى. سودان كەيىن دەرەۋ 102 ارناسىنا حابارلاما تۇسىرەدى. اتالعان دەرەك بويىنشا دەرەۋ ىزدەۋ شارالارى ۇيىمداستىرىلعان.
«قىزىلوردا قالالىق پوليسيا باسقارماسىنىڭ بارلىق جەكە قۇرامى دابىل بويىنشا كوتەرىلىپ، بالانى ىزدەۋگە كىرىسەدى. بالانى بارلىق جەردەن ىزدەگەن پوليسەيلەر، ءۇي ماڭايىنداعى بارلىق جەردى ءتىنتىپ شىققان. تاكسي جۇرگىزۋشىسى كورسەتىلگەن مەكەنجايدى تاپپاي، بالانى اجەسى وتىرعىزعان جەرگە قايتا اپارىپ تاستاعان. وسىلايشا ءجاسوسپىرىم بالا ءۇيدى شاتاستىرىپ، جوعالىپ كەتكەن. كوپ ۇزاماي بالا تابىلدى» دەپ ءمالىم ەتتى قىزىلوردا وبلىستىق پوليتسيا دەپارتامەنتىنەن.
