شىعىس قازاقستاندا ەسىرتكى ساۋدالاعان قىلمىستىق توپتىڭ 7 مۇشەسى ۇستالدى
ش ق و پوليتسيا دەپارتامەنتى باسپا ءسوز قىزمەتىنىڭ مالىمەتىنە سۇيەنسەك، ءتارتىپ ساقشىلارى وڭىردە جانە الماتى وبلىسىندا ارەكەت ەتكەن قىلمىستىق توپتى اشكەرەلەۋ ءۇشىن ارنايى كەڭ اۋقىمدى وپەراتسيا وتكىزدى.
«ناتيجەسىندە، ءبىر ايعا جۋىق ۋاقىت ىشىندە اتالعان توپتىڭ مۇشەلەرى تۇگەل بەلگىلى بولدى. ولاردىڭ بارلىعى باسقا قالالاردان كەلگەن. كۇدىكتىلەر قاۋىپسىزدىك ماقساتىندا جالدامالى پاتەرلەردى ۇنەمى اۋىستىرىپ وتىردى. سونداي- اق ءوزى الماتى وبلىسىندا ءجۇرىپ، قىلمىستىق توپتىڭ بارلىق ءىس- ارەكەتتەرىنە جەتەكشىلىك ەتىپ وتىرعان ەر ادام انىقتالدى»، - دەپ حابارلادى ۆەدومستۆو وكىلدەرى.
ەسىرتكى ساۋداسىمەن اينالىساتىن ءار ادامنىڭ ءوز ءرولى بولعان. بەلگىلى ءبىر توپ ەسىرتكىنى جەتكىزسە، ەندى بىرەۋلەرى ونى دوزا بويىنشا ولشەپ، كەيىننەن شاھارداعى ارنايى ورىندارعا قويىپ كەتىپ وتىردى. ءتىنتۋ بارىسىندا ساتۋعا دايىندالعان 10 كەلى سينتەتيكالىق ەسىرتكى تاركىلەندى. بۇل شامامەن بىررەتتىك 100000 دوزاعا تەڭ.
«تاسمالداۋشىلارعا ەسىرتكى تاۋار كولىك- لوگيستيكالىق كومپانيالارى ارقىلى قوسالقى بولشەكتەر تۇرىندە جونەلتىلگەن. ەسىرتكىسى جاسىرىلعان بارلىق اۆتوبولشەكتەردى قىزمەتتىك يتتەر تابا الماس ءۇشىن سىرتىن لاكپەن بوياعان»، - دەدى ش ق و پ د باستىعى ساعات مادييەۆ.
ەشكىم كورمەس ءۇشىن ەسىرتكى تۇنگى ۋاقىتتا ارنايى جەرلەرگە قويىلىپ وتىردى. ءساۋىر ايىنىڭ باسىندا كۇدىكتىلەردى ۇستاۋ ءۇشىن ءتيىستى شارالار باستالدى. ءبىر اپتا ىشىندە قالا اۋماعىندا ارەكەت ەتكەن بارلىق ەسىرتكى تاسىمالداۋشىلار قاماۋعا الىندى. ءوز ۇيلەرىن جالعا بەرگەن پاتەر يەلەرى جالداۋشىلاردىڭ ءۇيدى ەسىرتكىنى ولشەپ- دايىنداۋ سەحىنا اينالدىرعاندارىن كورگەندە جاعالارىن ۇستاعان.
«الماتى وبلىسى تالعار اۋدانى قىزىلقايرات اۋىلىنداعى جالدامالى ۇيدە سينتەتيكالىق ەسىرتكىنى دايىنداپ، ولشەپ- ورايتىن ەسىرتكى زەرتحاناسىن ۇيىمداستىرۋعا تۇتاستاي ءبىر وتباسىنىڭ قاتىسى بار ەكەندىگى بەلگىلى بولدى. كۇدىكتىلەر Telegram مەسسەندجەرى ارقىلى ەسىرتكىنى بايلانىسسىز تاراتۋمەن اينالىستى. ال كليەنتتەردەن تولەمدى ەلەكتروندى تولەم جۇيەلەرىنىڭ كومەگىمەن قابىلداعان.
اۋقىمدى ارنايى وپەراتسيا ناتيجەسىندە 21-49 جاس ارالىعىنداعى 7 ادام قاماۋعا الىندى. تاركىلەنگەن زاتتاردىڭ «قارا نارىقتاعى» قۇنى - 167 ميلليون تەڭگە. كۇدىكتىلەرگە قاتىستى ق ر ق ك- ءنىڭ 297-بابى بويىنشا تەرگەۋ امالدارى جۇرگىزىلىپ جاتىر. ولار 15 جىلعا دەيىن باس بوستاندىقتارىنان ايىرىلۋلارى مۇمكىن»، - دەلىنگەن اقپاراتتا.
اۆتور: تالعاتجان مۇحامەتبەك ۇلى
