ءماجىلىستىڭ 7 تۇراقتى كوميتەتى بەكىتىلدى
«كونستيتۋتسيامىزدىڭ 6-بابى 1-تارماعىنا سايكەس، ءماجىلىستىڭ تۇراقتى كوميتەتتەرىنىڭ سانى 7-دەن اسپاۋى كەرەك. 6- سايلانعان ق ر پارلامەنتى ماجىلىسىندە مىناداي 7 تۇراقتى كوميتەت جۇمىس ىستەدى: اگرارلىق ماسەلەلەر كوميتەتى، الەۋمەتتىك- مادەني دامۋ كوميتەتى، زاڭناما جانە سوت- قۇقىقتىق رەفورما كوميتەتى، قارجى جانە بيۋدجەت كوميتەتى، حالىقارالىق ىستەر، قورعانىس جانە قاۋىپسىزدىك كوميتەتى، ەكولوگيا ماسەلەلەرى جانە تابيعات پايدالانۋ كوميتەتى، ەكونوميكالىق رەفورما جانە وڭىرلىك دامۋ كوميتەتى»، - دەدى ءماجىلىس ءتوراعاسى نۇرلان نىعماتۋلين.
سونىمەن ءماجىلىس ءتوراعاسى ارىپتەستەرىنەن تۇراقتى كوميتەتتەردىڭ سانى مەن اتاۋلارى بويىنشا ۇسىنىستارىن سۇرادى. دەپۋتاتتار بۇعان دەيىنگى تۇراقتى كوميتەتتەردىڭ سانى مەن اتاۋلارىن قولداپ ءبىراۋىزدان داۋىس بەردى.
