تىسكە زيانى كوپ 7 ءونىم

بالكىم قازىر ءوزىڭىز دە بالاڭىزعا وسىنى ايتىپ جۇرگەن دە شىعارسىز. ءبىراق كامپيتتەن دە تىسكە زيانى كوپ ونىمدەر بار. ونى دا بىلە جۇرگەن ابزال.

پوپكورن

پوپكورن قۇرامىنداعى جۇگەرى ءدانى ءتىس اراسىندا قالىپ قويسا، وندا ءتىستىڭ ەتىنە ايتارلىقتاي زيان كەلتىرەدى. ۇشكىر ۇشتارى ءتىس ەتى مەن تاڭدايدى جىرۋى دا مۇمكىن. پوپكورن جەگەندى قاتتى جاقسى كورەتىندەر بارىنشا تابيعي، ياعني كارامەلى جوق، ءتۇرلى تۇسكە بويالماعان جانە تاتتىگە از سىلانعانىن العانى ءجون. ال جەگەننەن كەيىن مىندەتتى تۇردە اۋىز قۋىسىن شايىپ، ءتىس تازالاۋدى ۇمىتپاۋ كەرەك.

كەپتىرىلگەن جەمىستەر

كەپتىرىلگەن جەمىستەر پايدالى تاعام بولعانمەن، ءتىسىمىز ءۇشىن زيانى بارشىلىق. ەڭ الدىمەن كەپتىرىلگەن جەمىس اسەرىنەن ءتىس كىرەۋكەسى (ەمال) قۇرتىلادى. تىسجەگى بولسا، ءتىپتى قيىن. ءتىستىڭ ويىق جەرىندە تۇرعان قارا ورىك، قاۋىن قاعى، بولماسا قۇرما قالدىعى ونىڭ زاقىمدانۋىن ەكى ەسە ارتتىرادى.

كەپتىرىلگەن جەمىستەر دەنساۋلىققا پايدالى. تەك جەگەننەن كەيىن مىندەتتى تۇردە ءتىسىڭىزدى تازالاڭىز.

ءتاتتى كوفە سۋسىندارى

ءتاتتىسى مول لاتتە، كاپۋچينو سىندى كوفە سۋسىندارىن ءجيى ىشۋگە كارديولوگ تا، ديەتولوگ تا، ستاموتولوگ تا قارسى. دەنساۋلىققا پايداسىنان زيانى باسىم. ءدال وسى ءتاتتى كوفە سۋسىندارىن ىشكەننەن كەيىن 1 ساعات بويى سىلەكەي از بولىنەدى. ال اۋىز قۋىسىنداعى سىلەكەي ءتىستىڭ باستى قورعانى. ءتىس 60 مينۋت بويى «قورعانسىز» قالادى.

شەمىشكە

تىسكە زيان ءونىمنىڭ ءبىرى - شەمىشكە. ءتىس ەتى مەن اۋىز قۋىسىنا جاراقات سالۋى مۇمكىن. ءتىس كىرەۋكەسىنە زيان. اسىرەسە قاتتىلارى تىسكە كوپ كۇش ءتۇسىرىپ، توزىمدىلىگىن تومەندەتەدى.

ليمون قوسىلعان ىستىق سۋسىندار

كۇن سۋىقتا ليمون قوسىلعان شايدىڭ راحاتىنا نە جەتسىن؟ ءبىراق تىسكە زيانى بار ەكەن. قىشقىلدىڭ كوپ بولۋى ءتىس كىرەۋكەسىنە اسەر ەتەدى. سوندىقتان قىشقىلى جوعارى ىستىق سۋسىنداردى ىشكەندە اباي بولىپ، بولعاسىن اۋىزدى شايۋ كەرەك. قىشقىلدان تەزىرەك تازارتقان ابزال.

ەنەرگەتيكالىق سۋسىندار

دەنساۋلىعىڭدى ويلاساڭ، ەنەرگەتيكالىق سۋسىنداردان باس تارتقان ءجون-اق. ونداي سۋسىندار جۇرەك جۇمىسى، اسقازان-ىشەك جولدارى جانە زات الماسۋدىڭ بۇزىلۋىنا سەبەپ بولادى. ودان وزگە تىسكە دە زيان. ەنەرگەتيكالىق سۋسىنداردىڭ قۇرامىنداعى قىشقىل مەن قانت از ۋاقىتتىڭ ىشىندە ءتىسىڭىزدىڭ ساۋ-تامتىعىن قالدىرماۋى مۇمكىن.

كونسەرۆىلەنگەن جەمىستەر

كونسەرۆىلەنگەن جەمىستەردە پايدالى دارۋمەندەر مەن مينەرالدار از بولادى، ەسەسىنە قۇرامىندا قانت كوپ. ونداعى قانت قان اينالىم، زات الماسۋعا عانا اسەر ەتپەي، تىسكە دە زيانىن تيگىزەدى. جاڭا پىسكەن جەمىستەردى كوبىرەك جەۋگە تىرىسىڭىز.

massaget.kz

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى