كوروناۆيرۋستان ۆاكسينا ازىرلەۋ اكسياسىنىڭ العاشقى كۇنى 7 ميلليارد ەۋرو جينالدى
«كوروناۆيرۋسقا جاھاندىق جاۋاپ بەرۋ» اكسياسى اياسىندا قارجى جينالاتىنى تۋرالى جاريالاندى. ونلاين كونفەرەنسيانىڭ ءبىرىنشى كۇنى-اق 7 ميلليارد 400 ميلليون ەۋرو جينالدى. اتالعان اكسيا ەكى اپتاعا سوزىلادى»، - دەلىنگەن اقپاراتتا.
ءمالىم ەتىلگەندەي، اكسيانى دۇنيەجۇزىلىك دەنساۋلىق ساقتاۋ ۇيىمى (د د ۇ) جانە ەۋروكوميسسيانىڭ قولداۋىمەن ەۋروپالىق وداق ەلدەرى جانە قاۋىمداستىققا كىرمەيتىن ۇلى بريتانيا، نورۆەگيا جانە ساۋد ارابياسى ەلدەرى ۇيىمداستىردى. سونداي-اق اكسياعا جاپونيا، كانادا، و ا ر جانە باسقا ەلدەردىڭ كوشباسشىلارى قوسىلدى. ە و ەلدەرى ءبىر ميلليارد ەۋرو بولەتىنىن مالىمدەدى. ءبىر ميلليارد ا ق ش دوللارىنا جۋىق قاراجاتتى نورۆەگيا دا بەرۋگە ۋادە ەتكەن.
«ءبىز ءبىر ادام قورعالىپ، ەكىنشىسى قورعالماعان الەمدە ءومىر سۇرە المايمىز. بۇل، ورتاق جاۋدى جەڭۋ عانا ەمەس، سونىمەن قاتار ورتاق قاۋىپسىز بولاشاقتى قۇرۋ مۇمكىندىگى. اقشا جيناۋ پروتسەسى 23-مامىرعا دەيىن جالعاسادى»، - دەدى د د ۇ باسشىسى تەدروس ادحانوم گەبرەيەسۋس.
ءىس-شارانىڭ سەرىكتەستەرى رەتىندە دۇنيەجۇزىلىك دەنساۋلىق ساقتاۋ ۇيىمى، بيلل جانە مەليندا گەيتس قورى، ۆاكسينالار مەن يممۋنداۋ بويىنشا جاھاندىق اليانس جانە باسقا دا حالىقارالىق قۇرىلىمدار قاتىسادى.
