سەمەيدە وتباسىلىق باسقوسۋ كەزىندە 7 ادام كوروناۆيرۋس جۇقتىردى
«بۇگىنگى تاڭدا ەلىمىزدە شەكتەۋ شارالارى بىرتىندەپ جەڭىلدەتىلە باستادى. ءبىراق، وكىنىشكە قاراي بۇل كوروناۆيرۋس ينفەكسياسىنىڭ تارالۋ ءقاۋپى جوق دەگەندى بىلدىرمەيدى. مۇنىڭ ايقىن دالەلى رەتىندە سەمەي قالاسىنداعى جاعدايدى ايتۋعا بولادى. وتباسىلىق باسقوسۋ كەزىندە جەتى ادام جۇقپالى ىندەتكە شالدىققان. ونىڭ ىشىندە ءۇش جاسار بالا بار. شەكتەۋ شارالارىنىڭ جەڭىلدەتىلۋى ءبىزدى باسقالار الدىنداعى جاۋاپكەرشىلىكتەن بوساتپايتىنىن ءتۇسىنۋىمىز كەرەك»، - دەلىنگەن وسكەمەن اكىمدىگىنىڭ Instagram پاراقشاسىندا.
اكىمدىكتەگىلەر اۋا- رايىنىڭ جىلىنۋىنا قاراماستان ادام كوپ جينالاتىن شارالارعا بارماۋعا شاقىردى. «جەرلەستەرىمىزدى ينفەكسيانىڭ تارالۋىنا قارسى بىرلەسە كۇرەسۋگە ۇندەيمىز. مەرەكەلىك باسقوسۋلار مەن وتىرىستاردان ۋاقىتشا باس تارتىڭىز. قازىر ءارقايسىمىزدا ۇلكەن جاۋاپكەرشىلىك جاتىر. تەك ورتاق كۇش- جىگەردىڭ ارقاسىندا ءبىز ءبىر- ءبىرىمىزدىڭ ءومىرىمىزدى ساقتاي الامىز! ءبىز بىرگەمىز!»، - دەلىنگەن حابارلامادا.
اۆتور: تالعاتجان مۇحامەتبەك ۇلى
