كوروناۆيرۋس: نۇر-سۇلتانداعى 7 ناۋقاستان قانداي بەلگىلەر بايقالدى

ولاردىڭ بىرەۋى 18-ناۋرىزدا ينفەكسيا جۇقتىرعان ناۋقاسپەن بايلانىستا بولعان ادام رەتىندە ستاتسيونارعا تۇسكەن جانە 19-ناۋرىزدا ءوز بويىنان دا ينفەكسيا تابىلعان.

«اۋرۋحاناعا تۇسكەن تاعى 6 ناۋقاس تا جاقىن بايلانىستا بولعاندار توبىنان. ولاردىڭ ۇشەۋىندە تاماقتىڭ جىبىرلاۋى، قۇرعاق جوتەل سىندى بەلگىلەر بايقالعان. ەكى ادامدا سۋبفەبريلدى دەنە قىزۋى بولعان. قازىرگى ۋاقىتتا بارلىق ناۋقاستاردىڭ جاعدايى قاناعاتتانارلىق. دەنە قىزۋى قالىپقا ءتۇستى. ولاردى دارىمەن ەمدەۋ دياگنوستيكالاۋ مەن ەمدەۋدىڭ كلينيكالىق حاتتاماسىنا سايكەس جۇرگىزىلۋدە» ، - دەدى باسقارما باسشىسى قالا اكىمدىگىندە وتكەن ونلاين بريفينگىدە.

ساۋلە قيسىقوۆانىڭ ايتۋىنشا، سوڭعى 7 وقيعا بويىنشا بايلانىستا بولعان ادامدار جانە وتباسى مۇشەلەرى انىقتالىپ، 30 ادام اۋرۋحاناعا جاتقىزىلعان. بايلانىستا بولۋى ىقتيمال ادامدار ءۇي كارانتينىنە جابىلدى.

«نۇر-سۇلتان قالاسى بويىنشا تىركەلگەن بارلىق 25 جاعداي بويىنشا جاقىن بايلانىستا بولعان 244 ادام نۇر- سۇلتان مەن وزگە وڭىرلەردەگى اۋرۋحانالارعا جاتقىزىلدى. 327 ادام ءۇي كارانتينىندە جاتىر، ولارعا كۇن سايىن مەديتسينالىق ماماندار حابارلاسىپ تۇرادى»، - دەدى س. قيسىقوۆا.

بۇعان دەيىن باسقارما باسشىسى نۇر-سۇلتاندا كورناۆيرۋس جۇقتىرعانداردىڭ باسىم بولىگى 30-49 جاس ارالىعىندا ەكەنىن مالىمدەگەن ەدى.

ەسكە سالا كەتسەك، قازاقستاندا قازىر 49 كوروناۆيرۋس ينفەكسياسىن جۇقتىرعان ادام تىركەلگەن. الماتىدا - 22 ادام، قاراعاندى قالاسىندا - 2 ادام، نۇر-سۇلتاندا - 25 ادام تىركەلگەن.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى