قازاقپارات كۇنتىزبەسى: 7-قاڭتار
اتاۋلى كۇندەر
پراۆوسلاۆيەلىك روجدەستۆو مەرەكەسى
روجدەستۆو مەرەكەسى - حريستيانداردىڭ باستى مەرەكەلەرىنىڭ ءبىرى. بۇل مەرەكە يسۋس حريستوستىڭ ۆيفلەەمدە دۇنيەگە كەلۋى قۇرمەتىنە وراي اتاپ وتىلەدى. روجدەستۆونى كاتوليكتەر 25- جەلتوقساندا، ال پراۆوسلاۆتار 7- قاڭتاردا تويلايدى.
دزيندزيتسۋ
جاپون حالقىنىڭ ءداستۇرلى مەرەكەسى، جاڭاجىلدىق مەرەكەلەردىڭ بولىگى سانالاتىن جىل مەزگىلدەرىنىڭ اۋىسۋى مەرەكەسى (گوسەككۋ)، سونىمەن بىرگە جەتى ءشوپ مەرەكەسى (ناناكۋسا-نو سەككۋ) دەپ تانىمال. دزيندزيتسۋدىڭ باستى اتريبۋتى - «يمپەراتوردىڭ جەتى باقىتتى ءشوبى» (ناناكۋسا). نانىمعا سايكەس، بۇل شوپتەر ادامدارعا دەنساۋلىق سىيلايدى.
ەستە قالار وقيعالار
1992-جىلى قازاقستان رەسپۋبليكاسىنىڭ مەملەكەتتىك قويماسىنا اسىل مەتالداردىڭ بىرىنشى پارتياسى - «ءتورت توعىزدىق» جانە 2 كۇمىستىك ساپاسىمەن 5 التىن كەسەك قابىلداندى. مەملەكەتتىك قۇندىلىقتار قويماسىنىڭ تاريحى 1991-جىلعى 31- تامىزدا ەلباسى ن. نازاربايەۆتىڭ «قازاق س س ر التىن ۆاليۋتالى جانە الماس قورىن جاساۋ تۋرالى» جارلىعىنان باستاۋ الادى.
1992-جىلى فرانسۋز رەسپۋبليكاسى قازاقستان رەسپۋبليكاسىنىڭ تاۋەلسىزدىگىن مويىندادى.
2006-جىلى قازاقستان رەسپۋبليكاسىنىڭ جاڭا مەملەكەتتىك ءانۇرانى بەكىتىلدى.
ونىڭ نەگىزى رەتىندە حالىقتىڭ اراسىندا كەڭىنەن تانىمال «مەنىڭ قازاقستانىم» پاتريوتتىق ءانى تاڭداپ الىندى. ول ءاندى ءشامشى قالداياقوۆ 1956-جىلى جۇمەكەن ناجىمەدەنوۆتىڭ سوزىنە جازعان بولاتىن. قازاقستان پرەزيدەنتى نۇرسۇلتان نازاربايەۆ انگە مەملەكەتتىك گيمن جوعارى مارتەبەسىن بەرۋ جانە اناعۇرلىم سالتاناتتى شىرقالۋى ءۇشىن مۋزىكالىق تۋىندىنىڭ باستاپقى ءماتىنىن وڭدەدى. قازاقستان پارلامەنتى 2006-جىلى 6- قاڭتاردا پالاتالاردىڭ بىرلەسكەن وتىرىسىندا «مەملەكەتتىك رامىزدەر تۋرالى» جارلىققا ءتيىستى تۇزەتۋ ەنگىزىپ، ەلىمىزدىڭ جاڭا مەملەكەتتىك گيمنىن بەكىتتى.
2010-جىلى فرانسيانىڭ الدىڭعى قاتارلى «L'Essentiel des relations internationales» («حالىقارالىق قاتىناستارداعى ەڭ باستى» ) سىرتقى ساياسي جانە ساراپتامالىق جۋرنالى «قازاقستان - ەۋروپانىڭ بولاشاعى ما؟» دەگەن اتاۋمەن قازاقستان تۋرالى 100 بەتتىك قىزىقتى رەپورتاج جاريالادى.
2012-جىلى پاۆلوداردىڭ جاس سۋرەتشىلەرى 6 جاسار ەۆەلينا بولماسوۆا مەن 8 جاسار ناستيا پروكوپتسوۆا «بالا جانە ءيت» اتتى حالىقارالىق بايقاۋدىڭ ارنايى ماراپاتتارىنىڭ يەگەرلەرى بولدى. «بالا جانە ءيت» اتتى بالالار بايقاۋى پولشادا ءوتتى، وعان 42 مەملەكەتتەن 80 مىڭ جۇمىس كەلىپ ءتۇستى.
2015-جىلى قازاقستان مەن يسپانيانىڭ بىرلەسىپ تۇسىرگەن «زابىتىە ۆ كاراگاندە» (Los olvidados de Karagandل) ءفيلمى 2014-جىلدىڭ ۇزدىك دەرەكتى فيلمى نوميناتسياسىندا جەڭىمپاز اتانىپ، California Film Awards (Diamond Awards, Documentary Film Competition) گاۋھار جۇلدەسىن الدى. 2014-جىلى سىرتقى ىستەر مينيسترلىگىنىڭ قارجىلىق قولداۋىمەن «Nexos» قاۋىمداستىعىنىڭ وكىلدەرى كارلاگتا قامالعان يسپاندىقتار تۋرالى 50 مينۋتتىق دەرەكتى فيلم ءتۇسىردى.
دەرەكتى فيلمدە يسپانيا ازاماتتارىنىڭ قارلاگتاعى باستان كەشكەندەرى مەن سول وقيعالار كۋاگەرلەرىنىڭ مالىمەتتەرى جاريا ەتىلەدى. بۇل ادامدار، نەگىزىنەن، يسپانيا رەسپۋبليكالىق پارتياسى مەن «كوگىلدىر ديۆيزيانىڭ» وكىلدەرى، ەلدەگى ازاماتتىق سوعىس پەن ەكىنشى دۇنيەجۇزىلىك سوعىس كەزىندە ولاردىڭ ارەكەتى تۇرلىشە باعالانىپ، مۇنىڭ اقىرى قازاقستانداعى ساياسي لاگەرلەردىڭ بىرىنە تۇسۋگە اكەلىپ سوقتى. دەرەكتى تۋىندىدا قارلاگتا بولعانداردىڭ ۇرپاقتارى مەن تاريحشىلارعا تۇتقىنداردىڭ جازا وتەگەن ورىندارى جانە جەرلەنگەن جەرلەرى كورسەتىلىپ، ازاپ اباقتىسىنان ءتىرى قالعاندار مەن جەرگىلىكتى تۇرعىنداردىڭ سۇحباتتارى بەرىلەدى.
