استانا سۋ ارناسىنىڭ بۇرىنعى باس ديرەكتورى 7 جىلعا سوتتالدى
جەمقورلىققا قارسى قىزمەت تاراتقان مالىمەتتەرگە قاراعاندا، دوسايەۆ مەملەكەتتىك كوممۋنالدىق كاسىپورىننىڭ باس ديرەكتورى بولىپ جۇمىس ىستەپ جۇرگەن كەزىندە قاراماعانداعى قىزمەتكەر ارقىلى «تەحنو پوليس جيلستروي» ج ش س- ءنىڭ باسشىسىنان «جاس وتباسى-2» تۇرعىن ءۇي كەشەنىنەن 3 بولمەلى پاتەر جانە 60 مىڭ دوللار كولەمىندەگى پارانى جىلجىمايتىن مۇلىكتى ج ش س- گە بەرۋ قوسىمشا كەلىسىمشارتىن جاساعانى ءۇشىن العان.
«بيىلعى جىلدىڭ 14 - تامىزىندا نۇر- سۇلتان قالالىق قىلمىستىق ىستەر جونىندەگى مامانداندىرىلعان اۋدانارالىق سوتىنىڭ ۇكىمىمەن دوسايەۆ 7 جىلعا باس بوستاندىعىنان ايىرىلدى. ول جازاسىن قاۋىپسىزدىگى تومەن تۇزەۋ مەكەمەسىندە وتەيدى. سوتتالۋشى ءومىر بويى مەملەكەتتىك قىزمەتتە لاۋازىمدى قىزمەت اتقارۋ قۇقىعىنان ايىرىلدى»، - دەپ اتاپ وتەدى ۆەدومستۆودان.
اۆتور: مارلان جيەمباي
