بيمەن اينالىسۋعا 7 سەبەپ
1. بيلەۋ جۇرەك- قان تامىرلار جاعدايىن جاقسارتادى
ءبيدىڭ ەرەسەكتەرگە پايداسى تيۋ ءۇشىن ورتاشا قارقىندى جاتتىعۋلاردى اپتاسىنا 2,5-5 ساعات ورىنداۋ قاجەت. بي قوزعالىستارىن ورىنداۋ كەزىندە جۇرەك ىرعاعى وزگەرەتىندىكتەن كەز كەلگەن ستيلدەگى بي تۇرلەرى جاقسى كارديوجاتتىعۋ بولا الادى.
2. بيلەۋ تەپە- تەڭدىك ساقتاۋدى جاقسارتادى
بيلەگەندە ادامنىڭ بۇكىل دەنەسى قوزعالادى. سوندىقتان بي فيزيكالىق بەلسەندىلىكتىڭ ءبىر ءتۇرى رەتىندە ادامدى شىنىمەن دە مىقتىراق ەتەدى جانە تەپە- تەڭدىك ساقتاۋىن جاقسارتادى. 3. بيمەن بارلىق ادام اينالىسا الادى
ءبيدىڭ كەي تۇرلەرى (مىسالى، بال ءبيى) مۇمكىندىگى شەكتەۋلى نەمەسە سوزىلمالى اۋرۋلارى بار ادامدارعا دا كەلە بەرەدى. ەگەر بي ساباعىنىڭ قارقىندىعى جايلى كۇمانىڭىز بولسا، دارىگەردەن كەڭەس الىڭىز.
4. بيلەۋ كوگنيتيۆتى فۋنكتسيالاردى جاقسارتادى
كوپتەگەن زەرتتەۋلەر بيمەن اينالىسۋ ادامنىڭ جاس ۇلعايا كەلە انىق ويلاۋ قابىلەتىن ۇستاپ تۇراتىندىعىن جانە جاقسارتاتىندىعىن دالەلدەدى. كەي مالىمەتتەر بويىنشا، بي ميدىڭ ەستە ساقتاۋ قابىلەتىنە جاۋاپ بەرەتىن بولىگىن جاقسارتادى ەكەن.
5. بيلەۋ مي جۇمىسىن ىنتالاندىرادى
ەگەر چەچەتكا بيلەپ كورگەن بولساڭىز، ول قايتا- قايتا قوزعالىستى اۋىستىرۋعا، سونىمەن قوسا ءبىر ۋاقىتتا باسقا دا قوزعالىستاردى ورىنداۋعا زەيىن قويۋدى تالاپ ەتەدى. ول قاي جاستاعى ادامعا بولماسىن ميعا ارنالعان وتە جاقسى جاتتىعۋ بولىپ تابىلادى.
6. بي ادامداردى بىرىكتىرەدى
كەز كەلگەن ادام بيلەي الادى. بال ءبيى نەمەسە شىعىس ءبيى ساباعىنا بارساڭىز دا، دوستارىڭىزبەن نەمەسە بالالارىڭىزبەن بيلەسەڭىز دە، بي كەزىندەگى قارىم- قاتىناس الەۋمەتتىك جانە ەموتسيالىق دەنساۋلىققا پايدالى.
7. بيلەۋ كوڭىل كۇيدى جاقسارتادى
بي پروبلەمالاردان ارىلۋعا جانە جاعىمسىز جاعدايداردان الاڭداۋعا مۇمكىندىك بەرەدى. بيلەۋ كۇيزەلىستى ازايتىپ، پسيحيكالىق جانە ەموتسيالىق جاعدايدى جاقسارتادى.
Massaget.kz
