اۋا رايىنىڭ 7 -اقپان كۇنگى بولجامى

باتىس، وڭتۇستىك- شىعىس جانە شىعىس وڭىرلەردە جاۋىن-شاشىن بولادى. ەلىمىزدىڭ كەي جەرلەرىندە تۇمان، كوكتايعاق، بۇرقاسىن، ەكپىندى جەل ساقتالادى، دەپ حابارلايدى قازاقپارات.

جامبىل، اتىراۋ، باتىس قازاقستان وبلىستارىنىڭ كەي جەرلەرىندە تۇمان، كوكتايعاق بولادى. كۇندىز جەلدىڭ ەكپىنى 15-20 م/س كۇشەيەدى. جامبىل وبلىسىنىڭ جەكەلەگەن اۋماقتارىندا جاياۋ بۇرقاسىن كۇتىلەدى.

تۇركىستان وبلىسىنىڭ كەي جەرلەرىندە تۇمان، جاياۋ بۇرقاسىن، 15-20 م/س جىلدامدىقتا جەل بولجانادى.

شىعىس قازاقستان وبلىسىنىڭ كەي جەرلەرىن تۇمان باسىپ، تۇندە جاياۋ بۇرقاسىن جۇرەدى. جەلدىڭ كۇشى 15-20 م/س جەتەدى.

الماتى، قىزىلوردا، قوستاناي، سولتۇستىك قازاقستان، پاۆلودار، قاراعاندى ​​وبلىستارىنىڭ كەي جەرلەرىندە تۇمان بولادى. ماڭعىستاۋ وبلىسىنىڭ جەكەلەگەن اۋماقتارىندا جەلدىڭ ەكپىنى 15-20 م/س كۇشەيەدى. الماتى وبلىسىنىڭ كەي جەرلەرىندە تۇندە قاتتى اياز كۇتىلەدى.

قاراعاندى ​​وبلىسىندا تۇندە اياز بولادى. كەي جەرلەردە اياز قاتتى بولاتىنى بولجانادى.

اقمولا، شىعىس قازاقستان، تۇركىستان، سولتۇستىك قازاقستان، پاۆلودار وبلىستارىنىڭ تۇندە كەي جەرلەرىندە قاتتى اياز كۇتىلەدى.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى