تۇرعىن ءۇي قۇرىلىس جيناق بانكىنىڭ «ءوز ءۇيىم» باعدارلاماسى: 7 پايىزبەن ءۇي الۋعا بولادى
بۇل تۋرالى قازاقپارات بانكتىڭ باسپا ءسوز قىزمەتىنە سىلتەمە جاساپ حابارلايدى.
بۇدان بولەك، بانك سالىمشىلارىندا باسپانا الۋ مۇمكىندىگى بۇرىنعىدان دا جوعارى بولۋى ءۇشىن ەڭ تومەنگى باستاپقى جارنا كولەمى دە تومەندەتىلىپ وتىر.
2- شىلدەدەن باستاپ «ءوز ءۇيىم» باعدارلاماسىنىڭ اياسىندا الدىن- الا تۇرعىن ءۇي زايمىن الۋ ءۇشىن شوتتا ءۇي باعاسىنىڭ %20- نا تەڭ سومانىڭ باسىن قۇراۋ جەتكىلىكتى بولماق. بۇعان دەيىن «ءوز ءۇيىم» باعدارلاماسىنىڭ اياسىنداعى نەسيەلەردىڭ پايىزدىق مولشەرلەمەسى جيناق سوماسىنا تاۋەلدى ەدى. شوتىندا ءۇي قۇنىنىڭ %30- ىن قۇرايتىن باستاپقى جارناسى بار سالىمشى جىلدىق مولشەرلەمەسى %9,5 الدىن-الا زايمنان ۇمىتكەر اتاناتىن. ال دەپوزيتىندە باسپانا باعاسىنىڭ %50 ىن جيناعان كليەنت %7,5-8,5 ارالىعىنداعى مولشەرلەمەمەن نەسيە الۋعا قۇقىلى بولاتىن.
3,5-5 مولشەرلەمەمەن بەرىلەتىن تۇرعىن ءۇي زايمدارىنىڭ شارتتارى وزگەرگەن جوق. مۇنداي نەسيەنى رەسىمدەۋ ءۇشىن بۇرىنعىشا كليەنتكە تۇرعىن ءۇي قۇرىلىس جيناق بانكىندەگى شوتىنا ءۇي قۇنىنىڭ %50 ىن كەمىندە 3 جىل ىشىندە جيناپ، قاجەت باعالاۋ كورسەتكىشىنە قول جەتكىزۋ كەرەك.
نەسيەلەندىرۋدىڭ ەڭ جوعارعى مەرزىمى - 25 جىل. ول تاڭدالعان زايم تۇرىنە بايلانىستى انىقتالادى.
«ءوز ءۇيىم» باعدارلاماسىن تۇرعىن ءۇي قۇرىلىس جيناق بانكى 3 جىل بۇرىن مەملەكەتتىك باعدارلامالارعا قولداۋ رەتىندە ىسكە قوسقان ەدى. «ءوز ءۇيىم» جوباسى بانك سالىمشىلارىنا قۇرىلىس سالۋشىلار ۇسىناتىن جاڭا ۇيلەردى نارىقتاعىدان تومەن باعامەن الۋعا مۇمكىندىك بەرەدى. الماتى مەن استاناداعى 1 شارشى مەتردىڭ ورتاشا قۇنى - 260000-290000 تەڭگە، ال ايماقتاردا 180000-200000 تەڭگە. ءبىزدىڭ ەسەپكە سايكەس، تۇرعىن ءۇي قۇرىلىس جيناق بانكىندە شوتتارىنا ءۇي الۋعا قاجەت %20 كولەمىندەگى باستاپقى جارنانى جيناعان 45000-داي سالىمشى بار. ءبىز قازىر وسى ازاماتتارعا قولجەتىمدى ءۇي ساتىپ الۋعا كومەكتەسىپ، ولاردى جاڭا، جايلى جانە باعاسى تومەن پاتەرلەرگە ورنالاستىرۋدى ماقسات ەتىپ وتىرمىز. بۇل باعدارلاما اياسىندا بانك سەنىم ءبىلدىرىپ وتىرعان كليەنتتەرگە عانا ەمەس، ەلدەگى جالپى قۇرىلىس سەكتورىنا قولداۋ بىلدىرەدى، - دەپ ءتۇسىندىرىپ ءوتتى تۇرعىن ءۇي قۇرىلىس جيناق بانكى باسقارما ءتورايىمى ءلاززات يبراگيموۆا.
وسى جىلى «ءوز ءۇيىم» باعدارلاماسىنىڭ اياسىندا جالپى سوماسى 45,8 ميلليارد تەڭگە بولاتىن 3885 پاتەر ساتىلادى دەپ جوسپارلانىپ وتىر. ونىڭ ىشىندە 623 پاتەردى بانك سالىمشىلارى ۇلەسكەرلىك قۇرىلىس كەزەڭىندە ساتىپ الادى.
