يممۋنيتەتتى كوتەرۋدىڭ 7 جولى

جالىعۋ، كۇيزەلىس، دۇرىس تاماقتانباۋ اسەرىنەن يممۋنيتەت السىرەيدى. سوندىقتان ونى كۇشەيتۋ ءۇشىن ءبىراز نارسەنى ىستەي الامىز.

بۇل ءۇشىن: ۇيقى، دەمالۋ جانە بوساڭسۋ قاجەت، ويتكەنى شارشاڭقى اعزا جۇقپالى اۋرۋلارعا كوبىرەك شالدىعادى.

سوندىقتان ۇيقى مەن دەمالىستىڭ ماڭىزى جوعارى. ۇيقى كەزىندە مەلاتونين گورمونى بولىنەدى، بۇل ادامنىڭ اعزاسىن ءتۇرلى ينفەكتسيالاردان قورعايدى. جانە دە ول كەزدە اعزا قالىپقا كەلىپ، كۇش- قۋات جيناقتايدى. سونىمەن قاتار تۇراقتىلىقتى كۇيزەلىس پەن سىرتتاعى ءومىر دە بۇزادى.

دەنە بەلسەندىلىگى

سپورتپەن ۇزبەي شۇعىلدانۋ ارىقتاۋعا مۇمكىندىك بەرەدى، جۇرەكتى جاقسارتادى، ميدىڭ جۇمىس ىستەۋ قابىلەتىن كوتەرەدى، يممۋندىق جۇيەنى قالىپقا كەلتىرەدى. دارىگەرلەردىڭ كەڭەسى بويىنشا ادام كۇندەلىكتى 30 مينۋتىن دەنە بەلسەندىلىگىنە ارناۋى ءتيىس، بۇل تامىردىڭ مينۋتىنا 130 رەت سوعۋىنا اكەلۋى كەرەك. اسىرەسە، تازا اۋاداعى قيمىل قوزعالىس ەرەكشە. الايدا، نازار اۋدارىڭىز! دەنە بەلسەندىلىگىن اسىرىپ جىبەرۋ اعزانىڭ قارسى تۇرا ءبىلۋ قابىلەتىن وسال ەتەدى.

دۇرىس تاماقتانۋ

تاماقتانۋداعى بارلىق جەتىسپەۋشىلىكتەرى دەنساۋلىقتان كورىنە باستايدى. دۇرىس تاماقتانباۋ يممۋنيتەتتىڭ السىرەۋىنە اكەلەدى. يممۋنيتەتتى كوتەرۋ ءۇشىن جەمىس- جيدەككە، كوكونىسكە باي قۇنارلى تاعامداردى تۇتىنعان ابزال. انتيوكسيدانتتارعا باي، ماسەلەن A، C، E دارۋمەندەرى بار ونىمدەر ماڭىزدى ءرول اتقارادى. س دارۋمەنى يممۋنيتەتتى قالپىنا كەلتىرەدى، ۆيرۋستاردىڭ كوتەرىلۋىن باسادى جانە دە جۇقپالى اۋرۋلاردىڭ ۋاقىتىن قىسقارتادى. ە دارۋمەنى بوس راديكالدارمەن كۇرەس كەزىندە قورعانىس قابىلەتىن قالىپتاستىرادى، ال ا دارۋمەنى لەيكوتسيتتەردىڭ ءوندىرىلۋىن قامتاماسىز ەتەدى. ءسابىز، ساۋمالدىق، بروككولي، جاسىل بۇرىش، تسيترۋستى جەمىستەر، المامەن جاقىنىراق تانىسۋعا كەڭەس بەرەمىز. تاعام تۇتىنۋدا سونداي- اق بالىق، ەت جانە پروبيوتيكتىڭ جەتىسپەۋى دە ورىن الىپ جاتادى. قىس كەزىندە بالعىن جەمىستەردى مۇزداتىلعان ونىمدەرمەن الماستىرۋعا بولادى.

شىنىعۋ

شىنىققان اعزا تەمپەراتۋرانىڭ وزگەرىسىنە توتەپ بەرە الادى، يممۋندىق جۇيە توقتاۋسىز جۇمىس ىستەپ تۇرادى، وسىنىڭ ارقاسىندا ءبىز اۋىرماي ساۋ جۇرەمىز. دەنەگە ىستىق جانە سۋىق سۋ قۇيامىز. ءار كۇن سايىن سۋ تەمپەراتۋراسىندا ازداعان ايىرماشىلىق بولۋى ءتيىس. ساۋ ادام عانا دەنەسىن شىنىقتىرا الاتىندىعىن نازاردان شىعارماعان ءجون.

كيىم

اعزانىڭ كۇرەسە ءبىلۋ قابىلەتىنە اۋا رايى مەن مەزگىلگە بايلانىستى دەنە قوزعالىسى ماڭىزدى اسەر ەتەدى. سوندىقتان دا مەزگىلگە ساي كيىنۋ دە ماڭىزدى. سۋىق تيۋ كوپ جاعدايدا اعزانىڭ توڭۋى نەمەسە ىستىقتاۋى ناتيجەسىندە ورىن الادى. بىرنەشە قابات كيىم بەلگىلى ءبىر كيىمدەردى كيۋ نە شەشۋ ارقىلى تەمپەراتۋرانىڭ وزگەرىسىنە ساي كيىنىپ جۇرۋگە مۇمكىندىك بەرەدى. ماسەلەن، قىس كەزىندە دەنەدە جىلى تەمپەراتۋرانىڭ جوعالۋىنا جول بەرمەيتىن مويىنوراعىش، باس كيىم جانە قولعاپ تۋرالى ۇمىتپاعان ءجون.

سۋسىندار

سۋىق تيۋدەن ءوزىڭدى قورعاۋ ءۇشىن مينەرالدى سۋ مەن جەمىس-جيدەك قوسىلعان، ماسەلەن يتمۇرىن، تاڭقۋراي، بادام، شىرعاناق قوسىلعان شايلاردى كوبىرەك ىشكەن دۇرىس. بۇل اعزادا سۋدىڭ مولشەرىن قالىپتى ەتەدى، ناتيجەسىندە قاجەت ەمەس، زياندى زاتتاردىڭ شىعۋىنا تۇرتكى بولادى.

تابيعي يممۋنيتەت

 يممۋنيتەتتى كۇشەيتۋدىڭ تابيعي جولى - باكتەرياعا قارسى جانە قابىنۋعا قارسى اسەر بەرەتىن سارىمساقتى پايدالانۋ. ول تابيعي انتيبيوتيك رەتىندە اسەر ەتەدى، جاعىمسىز اسەرى جوق. ەڭ بەلسەندىسى بالعىن سارىمساق ەكەنى انىق. سونداي-اق بال، انتيبيوتيكالىق زاتتارى قۇرامىندا كەزدەسەتىن پياز تۋرالى دا وسىنى ايتۋعا بولاى.

ساۋنا(بۋ مونشا)

اعزانىڭ كۇرەسۋ قابىلەتىن ساۋنا كومەگى ارقىلى دا جاقسارتۋعا بولادى. ۇدايى تۇردەگى قابىلداۋلار اۋرۋ تۋدىرۋشى ميكرواعزالاردى ولتىرەتىن ليمفوتسيت ونىمدىلىگىن ارتتىرادى. قارسى كورسەتىلىمدەر بولماسا، ساۋناعا شاما كەلسە اپتا سايىن بارعان دۇرىس.

دەرەككوز: http://www.zhenskoeschastie.com

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى