جاسوسپىرىمدەرگە ارنالعان 7 كىتاپ
«كىنالى جۇلدىزدار» (ۆينوۆاتى زۆەزدى) دجون گرين
حەيزەل لانكاستەر - وكپە راك اۋرۋىنا شالدىققان جاس بويجەتكەن. ومىرىندە بولىپ جاتقان بارلىق كەلەڭسىزدىككە مويىنسىنعان ءجاسوسپىرىم قىزدىڭ ءومىرى كەنەتتەن وزگەرىپ شىعا كەلەدى. ول بىرنەشە جىل بۇرىن راك دەرتىن جەڭگەن وگاستۋس ۋوتەرسپەن تانىسادى. قاۋىپتى دياگنوزعا قاراماستان، ولار ارماندارى ءۇشىن كۇرەسۋ كەرەك دەپ شەشەدى. وگاستۋس حەيزەلدىڭ سۇيىكتى جازۋشىسىمەن كەزدەسۋ ءۇشىن مۇحيت اسىپ، امستەردامعا بارادى. كەزدەسۋ ولار ويلاعانداي بولماسا دا، وزگە قالادا ءجۇرىپ، ەكى جاستىڭ اراسىنداعى ماحاببات ۇشقىنى لاۋلاي تۇسەدى. بۇل ولاردىڭ العاشقى ماحابباتتارى ەدى. مۇمكىن، سوڭعى شىعار.. .
«ساعان دەيىن» (دو ۆسترەچي س توبوي) دجوردجو مويەس
لۋيزا كلارك ءوزىنىڭ ومىرىنە ءدان ريزا. ءوز اۋلاسىنداعى شاعىن كافەدە جۇمىس ىستەيدى، تۇتىنۋشىلاردى قۋانا قارسى الىپ، ۇيگە ەرەكشە سەزىممەن قايتادى. سۇيىكتىسى پاتريك تە جانىندا. كەنەت ول جۇمىس ىستەپ جۇرگەن كافەنى جاباتىن بولادى. ەندى لۋ وتباسىن اسىراۋ ءۇشىن جاڭا تابىس كوزىن ىزدەۋگە ءماجبۇر. ول سال اۋرۋىنا شالدىققان بيزنەسمەننىڭ كۇتۋشىسى بولىپ جۇمىسقا كىرەدى. وتكەن ومىرىندە ساياحاتتاپ، بەلسەندى ءومىر سۇرگەن جاس بيزنەسمەننىڭ ارباعا تانىلۋى ونىڭ جانىن كۇيزەلتەدى. ءبىراق، ۋايىمداماڭىز، كوڭىلدى لۋ ءۋيللدىڭ ءومىرىن تۇبەگەيلى وزگەرتەدى.
«دجەين ەير» شارلوتتا برونتە
قيىن بالالىق شاقتى باسىنان كەشكەن بەيكۇنا جەتىم قىزدىڭ تاعدىرىن بەينەلەيتىن شىعارمادان الاتىنىڭىز مول بولماق. دجەين العا قاراي ۇمتىلۋعا جەتەلەيدى. ونىڭ بالالىق شاعىنان باستاپ، ومىرلىك ماحابباتى مەن ەرەسەك شاققا قادام باسقانىن سيپاتتايتىن كىتاپتى وقىپ وتىرىپ، باستى كەيىپكەرمەن بىرگە قيىندىقتارعا توتەپ بەرۋدى ۇيرەنەسىز.
«كىتاپ قاراقشىسى» (كنيجنىي ۆور) ماركۋس زۋساك
وقيعا 1939 -جىلدارى گەرمانيادا بولادى. باستى كەيىپكەر - توعىز جاستاعى ليزەل مەمينگەر. سول ۋاقىتتاعى ساياسي جاعدايدىڭ قۇربانى بولعان اكە- شەشەسىنەن ەرتە كوز جازىپ قالعان قىزدى گانس پەن روزا حۋبەرمان اتتى ادامدار قامقورلىعىنا الادى. ءبىر مەكتەپتە وقيتىن، كورشىسى رۋدي شتاينەر ەسىمدى جاڭا دوس تابادى. ءارىپ تانىمايتىن قىزدىڭ كىتاپقا دەگەن ماحابباتىن اكەسى گانس وياتادى. كەيىن وقيعا وزگەشە ءوربيدى.. .
«ماستەر جانە مارگاريتا» ميحايل بۋلگاكوۆ
رومان ماحاببات تاقىرىبىن عانا قوزعامايدى. ادامي بولمىس، ادامنىڭ ناعىز بەت- بەينەسىنەن سىر شەرتەدى. قيال- عاجايىپقا تولى رومان ءبىر ۋاقىتتا ەكى بولەك الەمدە بولىپ جاتقان وقيعانى بەينەلەيدى. ەگەر، «گارري پوتتەر» سەكىلدى قيالي شىعارمالاردى جانىڭىز سۇيسە، بۇل كىتاپتى دا قۋانا وقيتىنىڭىز انىق.
«بالالىق شاققا ساياحات» بەردىبەك سوقباقپايەۆ
اۆتوبيوگرافيالىق پوۆەستە قازاق بالالارىنىڭ بالالىق شاعى سيپاتتالادى. ءوزىنىڭ ءومىرىن ايتا وتىرىپ، بارلىق اۋىل بالالارىنىڭ تاعدىرى ۇقساس ەكەنىن دە العا تارتادى. ءبىرى اكەدەن، ءبىرى انادان كوز جازىپ، جەتىم قالىپ جاتسا، ەندى ءبىرى تويعاننان «قۇتىرا» باستاعانىن دا ءسوز ەتەدى. ەركەلىك، بالالىقتىڭ بال ءدامى، بالا بولسا دا ۇعاتىن كەي قيىندىقتار، ءومىردىڭ قاتاڭ تۇسىنا بالا كوزقاراسپەن قاراۋ - وسىنىڭ بارلىعىن وسى تۋىندىدان تابا الاسىز.
Massaget.kz
