استانادا 7 ميلليارد تەڭگەگە ساياباق سالىنادى

 دەپ حابارلايدى قازاقپارات.

 «استانا قالاسىندا جەلىلىك ساياباقتىڭ قۇرىلىسى باستالدى. ول ەكى كەزەكتەن تۇرادى. جالپى قۇنى 7 ملرد 200 ملن تەڭگەنى قۇرايدى. كوگالداندىرىلاتىن الاڭ - 141 مىڭ شارشى مەتر. 10 مىڭنان استام اعاش وتىرعىزۋ جوسپارلانعان. ونىڭ ىشىندە جاپىراقتى، قىلقان جاپىراقتى اعاشتار بار. گۇلزار الاڭى 7 مىڭ شاقىرىم بولادى»، - دەدى قوسمان ايتمۇحامبەتوۆ.

ونىڭ ايتۋىنشا، بۇگىندە استانادا 4 جەلەكجول، 10 ساياباق، 95 گۇلزار بار. ونىڭ بەسەۋى 2017 - جىلى اشىلعان. 2018 -جىلى 14 گۇلزار مەن جەلەكجول قۇرىلىسى جالعاستىرىلادى. ولاردىڭ باسىم بولىگى سۇرىلگەن ەسكى ۇيلەردىڭ ورنىندا بولادى.

 «ەلوردادا قابانباي باتىر داڭعىلىمەن، تۇركىستان، 24 جانە 26 كوشەلەرمەن شەكتەسەتىن اتوكولىك تۇراعى بار بوتانيكالىق باق قۇرىلىسى جۇرگىزىلۋدە. نىساندى اياقتاۋ 2018 - جىلدىڭ ورتاسىنا جوسپارلانعان. بوتانيكالىق باق اۋماعى 92 گەكتاردى قۇرايدى. جوبا قۇنى 23 ميلليارد تەڭگە بولسا، سونىڭ 12 ميلليارد تەڭگەسى جەكە ينۆەستيتسيا بولىپ وتىر. بۇگىندە بوتانيكالىق باقتا 2 جىلىجاي سالىنعان. ونىڭ بىرىنشە تروپيكالىق ونىمدەردىڭ 40-تان استام ءتۇرى، ەكىنشىسىندە شولەيت وسىمدەرىنىڭ 40 ءتۇرى وسىرىلەتىن بولادى. قازىرگى ۋاقىتتا 33 مىڭنان استام اعاش وتىرعىزىلىپ، جاساندى سۋ قويماسى سالىندى. ۇزىندىعى 11 شاقىرىمدى قۇرايتىن ۆەلوسيپەد جانە جۇگىرۋ جولاعى جاسالىپ، جاياۋ جۇرگىنشى جولى توسەلدى»، - دەدى قالا اكىمىنىڭ ورىنباسارى.

اۆتور: مارلان جيەمباي

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى