جۇما كۇنى 7 وبلىستا بۇرشاق جاۋىپ، داۋىل تۇرادى
رەسپۋبليكانىڭ باتىسىندا، سولتۇستىك- باتىسىندا جاۋىن- شاشىنسىز كۇن رايى ساقتالادى. ەلدىڭ سولتۇستىگىندە جانە سولتۇستىك- باتىسىندا تۇمان كۇتىلەدى، دەپ حابارلايدى قازاقپارات «قازگيدرومەت» ر م ك- عا سىلتەمە جاساپ.
اتاپ ايتقاندا، وڭتۇستىك قازاقستان، كۇندىز جامبىل، شىعىس قازاقستان وبلىستارىنىڭ كەي جەرلەرىندە بۇرشاق جاۋىپ، داۋىل تۇرادى، 15-20 م/س ەكپىنمەن سوققان جەلدىڭ جىلدامدىعى 23-28 م/س دەيىن كۇشەيەدى. پاۆلودار وبلىسىنىڭ كەي جەرلەرىندە جەلدىڭ ەكپىنى 23-28 م/س ارتادى، تۇمان بولادى.
قوستاناي، كۇندىز اقتوبە وبلىستارىنىڭ جەكەلەگەن اۋماقتارىندا جەل 15-20 م/س كۇشەيەدى، تۇندە جانە تاڭەرتەڭ تۇمان بولادى. اقمولا، قاراعاندى، الماتى، كۇندىز سولتۇستىك قازاقستان وبلىستارىنىڭ كەي جەرلەرىندە جەلدىڭ جىلدامدىعى 15-20 م/س دەيىن ارتادى، بۇرشاق جاۋىپ، داۋىل تۇرادى. اقمولا، سولتۇستىك قازاقستان وبلىستارىندا تۇندە جانە تاڭەرتەڭ تۇمان كۇتىلەدى.
قىزىلوردا، ماڭعىستاۋ، تۇندە اتىراۋ وبلىستارىنىڭ كەي اۋماقتارىندا جەل 15-20 م/س كۇشەيەدى، قىزىلوردا وبلىسىندا شاڭدى داۋىلمەن بولادى. سونداي-اق الماتى وبلىسى، قىزىلوردا، اتىراۋ، وڭتۇستىك قازاقستان، جامبىل، باتىس قازاقستان، اقتوبە، قاراعاندى وبلىستارىنىڭ كەي جەرلەرىندە جوعارى ءورت قاۋپى ساقتالادى.
