ماۋسىمدا ازىق-تۇلىك 7 پايىزعا قىمباتتادى - مينيستر سۇلەيمەنوۆ

الايدا ءبىرقاتار تاۋارلاردىڭ قۇنى ارزانداپ وتىر، دەپ حابارلايدى قازاقپارات ءتىلشىسى.

«رەسمي ستاتيستيكا مالىمەتتەرىنە سايكەس، ماۋسىمنىڭ سوڭىندا الەۋمەتتىك ماڭىزى بار ازىق- تۇلىك تاۋارلارىنىڭ باعاسى جىل باسىنا قاراعاندا 7 پايىزعا ۇلعايدى. اعىمداعى جىل باسىنان بەرى پياز - 81,1 پايىزعا، كارتوپ - 74,9 پايىزعا، قىرىققابات - 61,2 پايىزعا، ءسابىز - 38,1 پايىزعا، سيىر ەتى - 10,7 پايىزعا وسكەنى بايقالادى»، - دەدى ق ر ۇلتتىق ەكونوميكا ءمينيسترى تيمۋر سۇلەيمەنوۆ ۇكىمەتتىڭ بۇگىنگى وتىرىسىندا.

ءمينيستردىڭ سوزىنە قاراعاندا، ونىمەن ءبىر مەزگىلدە ءبىرقاتار ازىق- تۇلىك ونىمدەرىنىڭ باعاسى ارزانداپ وتىر. ماسەلەن، تاۋىق جۇمىرتقاسىنىڭ باعاسى - 26,9 پايىزعا، قاراقۇمىق - 19,7 پايىزعا، كۇنباعىس مايى - 7,6 پايىزعا، قانت 1,3 پايىعا تومەندەدى. ازىق-تۇلىك باعاسىنىڭ قىمباتتاۋىنا بىرنەشە سەبەپ بار.

«ءار جىلدىڭ ەكىنشى توقسانىندا تۇراقتاندىرۋ قورلارى ازايا باستايدى. ال جاڭا ءونىمنىڭ باعاسى قىمبات بولادى. بۇدان بولەك، بيىل پياز، كارتوپ، قىرىققابات سياقتى ازىق- تۇلىك ونىمدەرىن وزبەكستانعا ەكسپورتتاۋ كولەمى ۇلعايىپ وتىر»، - دەپ اتاپ كورسەتتى تيمۋر سۇلەيمەنوۆ.

اۆتور: ارمان اسقاروۆ

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى