شىعارىلعان ونەركاسىپ ونىمدەرى ەڭ تومەن 7 ءوڭىر بەلگىلى بولدى

 دەپ حابارلايدى قازاقپارات.

 «يندۋستريالىق باعدارلامانىڭ ارقاسىندا بۇگىنگى كۇنى كەن ءوندىرۋ ونەركاسىبىندەگى تومەندەۋدىڭ ورنى وڭدەۋ سالالارىنداعى وڭ سەرپىنمەن تولىعىپ وتىر. 2016 - جىلعى قاڭتار- قىركۇيەكتە وڭدەۋ ونەركاسىبىنىڭ ءوسۋى 0,6 پايىزدى قۇرادى. وڭدەۋ بولىنىسىندە مەتاللۋرگيا ونىمدەرىن ءوندىرۋ - 7,8، اعاش بۇيىمدارى - 8,7، تاماق ونىمدەرى - 3,5، ءدارى- دارمەك پرەپاراتتارى - 2,1، رەزەڭكە جانە پلاستماسسا - 1,8، سونداي- اق مۇناي وڭدەۋ 0,4 پايىزعا ءوستى»، - دەدى ول.

 ءمينيستردىڭ ايتۋىنشا، وڭدەۋ ونەركاسىبىندەگى وسىمگە ماشينا جاساۋداعى 18,6 پايىزدىق تومەندەۋ كەرى اسەر ەتۋدە. بۇل رەتتە وڭىرلىك بولىنىستە ونەركاسىپ ونىمدەرى شىعارىلىمىنىڭ ءوسۋى 9 وڭىردە، تومەندەۋ 7 وڭىردە تىركەلگەن.

 «كوشباسشى ۇشتىككە 5,2 پايىزدىق وسىممەن قاراعاندى وبلىسى، 4,9 پايىزدىق وسىممەن وڭتۇستىك قازاقستان وبلىسى,4,5 پايىزدىق وسىممەن اقمولا وبلىسى كىردى. ەڭ كوپ تومەندەۋ  قىزىلوردا وبلىسىندا - 10,0، ماڭعىستاۋ وبلىسىندا - 3,6، اقتوبە جانە باتىس قازاقستان وبلىستارىندا - 2,5 پايىزعا بايقالىپ وتىر»، - دەدى بيشىمبايەۆ.

اۆتور: مارلان جيەمباي

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى